గమనించండి
ప్రభుత్వ కార్యాలయాలు ఎక్కువగా వున్న చోట రవి బలం ఎక్కువగా వున్నట్టుగా తెలుసుకోవాలి
ఆర్థిక సంస్థలు, బ్యాంకులు, సినిమా థియేటర్ లు ఎక్కువగా వున్నచోట శుక్రుడి ప్రభావం ఎక్కువగా వుంటుంది.
విద్యా సంస్థలు, కోచింగ్ ఇన్స్టిట్యూట్ లు వున్నచోట గురు బుధుల బలం ఎక్కువ వుంటుంది.
అమ్మకాలూ, కొనుగోళ్లు ఎక్కువగా జరిగేచోట బుధుడి బలం ఎక్కువగా వుంటుంది. అలాగే ఇనుము అమ్మకాలు,కొనుగోళ్లు జరిగే చోట శని ప్రభావం ఎక్కువ
కార్మికులు ఎక్కువగా వున్న చోట శని ప్రభావం ఎక్కువ.
ప్రభుత్వ కార్యాలయాలు ఎక్కువగా వున్న చోట వున్న రామాలయం చాలా ప్రభావ వంతమైన శక్తివంతమైన గుడి గా భావించాలి.
విఘ్నేశ్వరుని గుడి వున్న చోటు కుండలినీ శక్తి ఎక్కువగా వుంటుంది. దగ్గిరలో సన్యాసాశ్రమం కూడా వుంటే అలాంటి విఘ్నేశ్వరుడి ఆలయం చాలా ప్రసిద్ధి చెందిన ఆలయం అవుతుంది. ఇక్కడ కేతు ప్రభావం ఎక్కువ. ఇక్కడ మెడిటేషన్ చేసుకోవడం చాలా మంచిది.
కోర్టులు వున్న చోటు గురు బలం ఎక్కువ వుంటుంది. ధనుస్సు రాశి ప్రభావం వుంటుంది. ఇక్కడ వుండే దత్తాత్రేయుని ఆలయం చాలా ప్రసిద్ధి చెందినది, ప్రభావ వంతం అయ్యుంటుంది.
కుజ ప్రభావం ఎక్కువగా వున్న ప్రదేశం లో నరసింహ,హనుమ, కుమార స్వామి ఆలయాలు వుంటాయి.
దుర్గా దేవి ఆలయం వున్న చోటు రాహు ప్రభావం వుంటుంది.
వూరికి ఈశాన్యం లో వున్న ఆలయాలు శక్తిమంతమైన వి.
శుభ గ్రహాల యుతి గానీ దృష్టి గానీ గ్రహాలకు ఉన్నప్పుడు వాటికి సంబంధించిన పైన చెప్పిన ప్రదేశాల్లో శుభం జరుగుతుంది.
అలాగే పాప గ్రహాల యుతి గానీ దృష్టి గానీ గ్రహాలకు వున్నప్పుడు ఆ గ్రహాలకి సంబంధించిన ప్రదేశాల్లో ప్రమాదాలు జరుగుతాయి. అశాంతి వుంటుంది.
