సుబ్రహ్మణ్య అష్టకం కరావలంబ స్తోత్రం
హే స్వామినాథ కరుణాకర దీనబన్ధో,
శ్రీపార్వతీశముఖపఙ్కజ పద్మబన్ధో ।
శ్రీశాదిదేవగణపూజితపాదపద్మ,
వల్లీసనాథ మమ దేహి కరావలమ్బమ్ ॥ 1 ॥
దేవాదిదేవనుత దేవగణాధినాథ,
దేవేన్ద్రవన్ద్య మృదుపఙ్కజమఞ్జుపాద ।
దేవర్షినారదమునీన్ద్రసుగీతకీర్తే,
వల్లీసనాథ మమ దేహి కరావలమ్బమ్ ॥ 2 ॥
నిత్యాన్నదాన నిరతాఖిల రోగహారిన్,
తస్మాత్ప్రదాన పరిపూరితభక్తకామ ।
శృత్యాగమప్రణవవాచ్యనిజస్వరూప,
వల్లీసనాథ మమ దేహి కరావలమ్బమ్ ॥ 3 ॥
క్రౌఞ్చాసురేన్ద్ర పరిఖణ్డన శక్తిశూల,
పాశాదిశస్త్రపరిమణ్డితదివ్యపాణే ।
శ్రీకుణ్డలీశ ధృతతుణ్డ శిఖీన్ద్రవాహ,
వల్లీసనాథ మమ దేహి కరావలమ్బమ్ ॥ 4 ॥
దేవాదిదేవ రథమణ్డల మధ్య వేద్య,
దేవేన్ద్ర పీఠనగరం దృఢచాపహస్తమ్ ।
శూరం నిహత్య సురకోటిభిరీడ్యమాన,
వల్లీసనాథ మమ దేహి కరావలమ్బమ్ ॥ 5 ॥
హారాదిరత్నమణియుక్తకిరీటహార,
కేయూరకుణ్డలలసత్కవచాభిరామ ।
హే వీర తారక జయాఽమరబృన్దవన్ద్య,
వల్లీసనాథ మమ దేహి కరావలమ్బమ్ ॥ 6 ॥
పఞ్చాక్షరాదిమనుమన్త్రిత గాఙ్గతోయైః,
పఞ్చామృతైః ప్రముదితేన్ద్రముఖైర్మునీన్ద్రైః ।
పట్టాభిషిక్త హరియుక్త పరాసనాథ,
వల్లీసనాథ మమ దేహి కరావలమ్బమ్ ॥ 7 ॥
శ్రీకార్తికేయ కరుణామృతపూర్ణదృష్ట్యా,
కామాదిరోగకలుషీకృతదుష్టచిత్తమ్ ।
భక్త్వా తు మామవకళాధర కాన్తికాన్త్యా,
వల్లీసనాథ మమ దేహి కరావలమ్బమ్ ॥ 8 ॥
సుబ్రహ్మణ్య కరావలమ్బం పుణ్యం యే పఠన్తి ద్విజోత్తమాః ।
తే సర్వే ముక్తి మాయాన్తి సుబ్రహ్మణ్య ప్రసాదతః ।
సుబ్రహ్మణ్య కరావలమ్బమిదం ప్రాతరుత్థాయ యః పఠేత్ ।
కోటిజన్మకృతం పాపం తత్క్షణాదేవ నశ్యతి ॥
सुब्रह्मण्य अष्टकं करावलम्ब स्तोत्रम्
हे स्वामिनाथ करुणाकर दीनबन्धो,
श्रीपार्वतीशमुखपङ्कज पद्मबन्धो ।
श्रीशादिदेवगणपूजितपादपद्म,
वल्लीसनाथ मम देहि करावलम्बम् ॥ 1 ॥
देवादिदेवनुत देवगणाधिनाथ,
देवेन्द्रवन्द्य मृदुपङ्कजमञ्जुपाद ।
देवर्षिनारदमुनीन्द्रसुगीतकीर्ते,
वल्लीसनाथ मम देहि करावलम्बम् ॥ 2 ॥
नित्यान्नदान निरताखिल रोगहारिन्,
तस्मात्प्रदान परिपूरितभक्तकाम ।
शृत्यागमप्रणववाच्यनिजस्वरूप,
वल्लीसनाथ मम देहि करावलम्बम् ॥ 3 ॥
क्रौञ्चासुरेन्द्र परिखण्डन शक्तिशूल,
पाशादिशस्त्रपरिमण्डितदिव्यपाणे ।
श्रीकुण्डलीश धृततुण्ड शिखीन्द्रवाह,
वल्लीसनाथ मम देहि करावलम्बम् ॥ 4 ॥
देवादिदेव रथमण्डल मध्य वेद्य,
देवेन्द्र पीठनगरं दृढचापहस्तम् ।
शूरं निहत्य सुरकोटिभिरीड्यमान,
वल्लीसनाथ मम देहि करावलम्बम् ॥ 5 ॥
हारादिरत्नमणियुक्तकिरीटहार,
केयूरकुण्डललसत्कवचाभिराम ।
हे वीर तारक जयाऽमरबृन्दवन्द्य,
वल्लीसनाथ मम देहि करावलम्बम् ॥ 6 ॥
पञ्चाक्षरादिमनुमन्त्रित गाङ्गतोयैः,
पञ्चामृतैः प्रमुदितेन्द्रमुखैर्मुनीन्द्रैः ।
पट्टाभिषिक्त हरियुक्त परासनाथ,
वल्लीसनाथ मम देहि करावलम्बम् ॥ 7 ॥
श्रीकार्तिकेय करुणामृतपूर्णदृष्ट्या,
कामादिरोगकलुषीकृतदुष्टचित्तम् ।
भक्त्वा तु मामवकलाधर कान्तिकान्त्या,
वल्लीसनाथ मम देहि करावलम्बम् ॥ 8 ॥
सुब्रह्मण्य करावलम्बं पुण्यं ये पठन्ति द्विजोत्तमाः ।
ते सर्वे मुक्ति मायान्ति सुब्रह्मण्य प्रसादतः ।
सुब्रह्मण्य करावलम्बमिदं प्रातरुत्थाय यः पठेत् ।
कोटिजन्मकृतं पापं तत्क्षणादेव नश्यति ॥
