వ్యాసం వసిష్ఠనప్తారం శక్తేః పౌత్రమకల్మషమ్ ।
పరాశరాత్మజం వందే శుకతాతం తపోనిధిమ్ ॥ 1
వ్యాసాయ విష్ణురూపాయ వ్యాసరూపాయ విష్ణవే ।
నమో వై బ్రహ్మనిధయే వాసిష్ఠాయ నమో నమః ॥ 2
కృష్ణద్వైపాయనం వ్యాసం సర్వలోకహితే రతమ్ ।
వేదాబ్జభాస్కరం వందే శమాదినిలయం మునిమ్ ॥ 3
వేదవ్యాసం స్వాత్మరూపం సత్యసంధం పరాయణమ్ ।
శాంతం జితేంద్రియక్రోధం సశిష్యం ప్రణమామ్యహమ్ ॥ 4
అచతుర్వదనో బ్రహ్మా ద్విబాహురపరో హరిః ।
అఫాలలోచనః శంభుః భగవాన్ బాదరాయణః ॥ 5
శంకరం శంకరాచార్యం కేశవం బాదరాయణమ్ ।
సూత్రభాష్యకృతౌ వందే భగవంతౌ పునః పునః ॥ 6
బ్రహ్మసూత్రకృతే తస్మై వేదవ్యాసాయ వేధసే ।
జ్ఞానశక్త్యవతారాయ నమో భగవతో హరేః ॥ 7
వ్యాసః సమస్తధర్మాణాం వక్తా మునివరేడితః ।
చిరంజీవీ దీర్ఘమాయుర్దదాతు జటిలో మమ ॥ 8
ప్రజ్ఞాబలేన తపసా చతుర్వేదవిభాజకః ।
కృష్ణద్వైపాయనో యశ్చ తస్మై శ్రీగురవే నమః ॥ 9
జటాధరస్తపోనిష్ఠః శుద్ధయోగో జితేంద్రియః ।
కృష్ణాజినధరః కృష్ణస్తస్మై శ్రీగురవే నమః ॥ 10
భారతస్య విధాతా చ ద్వితీయ ఇవ యో హరిః ।
హరిభక్తిపరో యశ్చ తస్మై శ్రీగురవే నమః ॥ 11
జయతి పరాశరసూనుః సత్యవతీ హృదయనందనో వ్యాసః ।
యస్యాస్య కమలగలితం భారతమమృతం జగత్పిబతి ॥ 12
వేదవిభాగవిధాత్రే విమలాయ బ్రహ్మణే నమో విశ్వదృశే ।
సకలధృతిహేతుసాధనసూత్రసృజే సత్యవత్యభివ్యక్తి మతే ॥ 13
వేదాంతవాక్యకుసుమాని సమాని చారు
జగ్రంథ సూత్రనిచయేన మనోహరేణ ।
మోక్షార్థిలోకహితకామనయా మునిర్యః
తం బాదరాయణమహం ప్రణమామి భక్త్యా ॥ 14
ఇతి శ్రీ వేదవ్యాస స్తుతిః ।
श्री वेद व्यास स्तुति
व्यासं वसिष्ठनप्तारं शक्तेः पौत्रमकल्मषम् ।
पराशरात्मजं वन्दे शुकतातं तपोनिधिम् ॥ 1
व्यासाय विष्णुरूपाय व्यासरूपाय विष्णवे ।
नमो वै ब्रह्मनिधये वासिष्ठाय नमो नमः ॥ 2
कृष्णद्वैपायनं व्यासं सर्वलोकहिते रतम् ।
वेदाब्जभास्करं वन्दे शमादिनिलयं मुनिम् ॥ 3
वेदव्यासं स्वात्मरूपं सत्यसन्धं परायणम् ।
शान्तं जितेन्द्रियक्रोधं सशिष्यं प्रणमाम्यहम् ॥ 4
अचतुर्वदनो ब्रह्मा द्विबाहुरपरो हरिः ।
अफाललोचनः शम्भुः भगवान् बादरायणः ॥ 5
शङ्करं शङ्कराचार्यं केशवं बादरायणम् ।
सूत्रभाष्यकृतौ वन्दे भगवन्तौ पुनः पुनः ॥ 6
ब्रह्मसूत्रकृते तस्मै वेदव्यासाय वेधसे ।
ज्ञानशक्त्यवताराय नमो भगवतो हरेः ॥ 7
व्यासः समस्तधर्माणां वक्ता मुनिवरेडितः ।
चिरञ्जीवी दीर्घमायुर्ददातु जटिलो मम ॥ 8
प्रज्ञाबलेन तपसा चतुर्वेदविभाजकः ।
कृष्णद्वैपायनो यश्च तस्मै श्रीगुरवे नमः ॥ 9
जटाधरस्तपोनिष्ठः शुद्धयोगो जितेन्द्रियः ।
कृष्णाजिनधरः कृष्णस्तस्मै श्रीगुरवे नमः ॥ 10
भारतस्य विधाता च द्वितीय इव यो हरिः ।
हरिभक्तिपरो यश्च तस्मै श्रीगुरवे नमः ॥ 11
जयति पराशरसूनुः सत्यवती हृदयनन्दनो व्यासः ।
यस्यास्य कमलगलितं भारतममृतं जगत्पिबति ॥ 12
वेदविभागविधात्रे विमलाय ब्रह्मणे नमो विश्वदृशे ।
सकलधृतिहेतुसाधनसूत्रसृजे सत्यवत्यभिव्यक्ति मते ॥ 13
वेदान्तवाक्यकुसुमानि समानि चारु
जग्रन्थ सूत्रनिचयेन मनोहरेण ।
मोक्षार्थिलोकहितकामनया मुनिर्यः
तं बादरायणमहं प्रणमामि भक्त्या ॥ 14
इति श्री वेदव्यास स्तुतिः ।
