సంపూర్ణ సూర్య గ్రహణం - 08.04.2024

శోభకృత్ నామ సంవత్సరంలో చివరి రోజైన 08.04.2024 న సంపూర్ణ సూర్య గ్రహణం జరుగ నుంది. 

ఈ గ్రహణం భారత దేశం లో ఎక్కడా కనపడదు కనుక గ్రహణ నియమాలు పాటించవలసిన అవసరం లేదు. 

కానీ నారాయణి సంహిత లో చెప్పబడినట్లు గ్రహణం ఎక్కడైతే కనపడుతుందో అక్కడ పూర్తి ప్రభావాన్ని ఎక్కడైతే కనపడదో అక్కడ 25 నుండీ 50 శాతం ప్రభావాన్ని చూపిస్తుంది. 

ఈ గ్రహణం మీన రాశి లో జరుగనుంది. ఈ సంపూర్ణ సూర్య గ్రహణం ఉత్తర అమెరికా ఖండం లో ని మెక్సికో లో మొదలైయ్యి టెక్సాస్ వరకు 13 అమెరికా రాష్ట్రాలలో కనపడుతుంది. కెనడా, దక్షిణ అమెరికా, పసిఫిక్ మహా సముద్రం, పశ్చిమ యూరోప్ లో కూడా కనపడుతుంది. 

ఇలాంటి సంపూర్ణ సూర్య గ్రహణం మళ్లీ 20 ఏళ్ల తరువాత అంటే 2044 లో ఆగస్ట్ 23 న కనపడుతుంది. 

ఈ తరహా గ్రహణం వల్ల ధనికుల ధనం నష్టమౌతుందని చెప్పబడింది. Apple, Microsoft, Google, Amazon,NVIDIA, Tesla, Meta వంటి సంస్థల షేర్ విలువలు తగ్గుతాయి. Stock Market లో భారీ Negative Correction జరిగే అవకాశం వుంది. America లో Recession ప్రభావం మరింత పెరుగుతుంది. 

భారత స్టాక్ మార్కెట్ పై ఈ విధం గా ప్రభావం కనపడుతుంది : Banking, Energy Sectors మీద భారీ ప్రభావం పడుతుంది. 

అత్యంత లాభాలు ఆర్జించే కంపెనీల షేర్ విలువలు తగ్గుతాయి. Tech Companies 2024 2nd Quarter లో Negative Growth చూపించే అవకాశం. 

నిరుద్యోగ శాతం పెరిగే అవకాశం వుంది. 

ఈ గ్రహణం జల తత్వపు రాశి అయిన మీన రాశిలో , రేవతీ నక్షత్రం లో జరుగుతున్నది కనుక Tornados , Floods సంభవించవచ్చు. సముద్రం లో ప్రమాదాలు జరిగే అవకాశం. Sea Transportation ప్రభావితం అవుతుంది. 

భారత దేశం లో ఈశాన్య భారత దేశం లో ఆలర్లు మళ్లీ ప్రబలే అవకాశం వుంది. 

ఈ గ్రహణానికి దగ్గిరలో శని కుజుల యుతి అతి దగ్గిరకి చేరుతుంది (Deep Conjunction). ఇందు వల్ల ఉత్తర భారత దేశం లో ప్రజాందోళనలు , పోలీసు చర్యలు అందువల్ల ప్రాణ నష్టం జరుగొచ్చు. 

ఈశాన్య రాష్ట్రాల సరిహద్దుల్లో చైనా తో యుద్ధ వాతావరణం అవాంఛనీయ సంఘటనలు జరగొచ్చు. 

గ్రహణ దుష్ప్రభావం దేశం మీద, వ్యక్తిగతం గా పడకుండా వుండడానికి ప్రతీ ఒక్కరూ రుద్ర పారాయణం, విష్ణు సహస్ర నామ పారాయణం , ఏకాదశ రుద్రాభిషేకం వంటివి చెయ్యాలి. 

ఈ గ్రహణ ప్రభావం వల్ల : 

మేష రాశి వారు ఖర్చులు అదుపులో ఉంచుకోవాలి. రహస్య శత్రువుల వల్ల ప్రమాదాలు వున్నాయి. జాగ్రత్త.

 

వృషభ రాశి వారు : మోసం చేసే మిత్రులు వుంటారు. కానీ ఈ గ్రహణం మంచే చేస్తుంది. 

మిధున రాశి వారు పై అధికారుల తో మాట పడకుండా పని పై శ్రద్ధ పెట్టాలి. కొందరి కి అవమానాలు, అప్రతిష్ట. 

కర్కాటక రాశి వారు : గురు , దైవ దూషణలు చేయ కూడదు. తండ్రి ఆరోగ్యం పై శ్రద్ధ పెట్టాలి. 

సింహ రాశి వారు : అనుకోని నష్టాలు వున్నాయి. వాహనాలు నడిపేటప్పుడు తగిన జాగ్రత్తలు తీసుకోవాలి. 

కన్యా రాశి : భార్య ఆరోగ్యం ఆందోళన కలిగించచ్చు. భాగ స్వాములు మోసం చేయ వొచ్చు. 

తులా రాశి : గ్రహణం వల్ల ఆరోగ్య లాభం, శత్రువుల పై విజయం. 

వృశ్చిక రాశి : సంతాన విద్యా/ ఆరోగ్య సమస్యలు ఆందోళన కలిగిస్తాయి. కోపావేశాలకు దూరం గా వుండండి.

ధను రాశి: మనః శాంతి తగ్గుతుంది. బంధువుల తో విభేదాలు. చదువు విషయం లో శ్రద్ధ పెట్టాలి. 

మకర రాశి: ప్రయాణాల వల్ల లాభం. తోడబుట్టిన వారి ఆరోగ్యం ఆందోళన కలిగిస్తుంది. కొందరికి ప్రమోషన్ లు, కోరుకున్న చోటికి transfer లు. 

కుంభ రాశి : ధన సంబంధమైన ఆన్ని విషయాల్లో జాగ్రత్తలు తీసుకోవాలి. మాట్లాడే ముందు ఆలోచించి మాట్లాడాలి. ఆహారం సమయానికి తీసుకోవాలి.

మీన రాశి: ఆరోగ్యం పై శ్రద్ధ పెట్టాలి. ఆందోళనలు ఎక్కువౌతాయి. 

అందరూ చేసుకోవలసిన పరిహారాలు : 

శివ / విష్ణు ఆరాధన వల్ల సమస్త దోషాలు ఉపశమనం అవుతాయి. 

శుభం భూయాత్ 

శివరామకృష్ణ జ్యోతిష్యాలయం

96407 54054

క్రోధి నామ సంవత్సరం - 09.04.2024 నుండీ 29.03.2025 వరకు - గ్రహ కూటముల ఫలితములు

ఈ సంవత్సరం కర్కాటకం లో కుజ స్థంభన , 2 పంచ గ్రహ కూటములు, 4 చాతుర్గ్రహ కూటములు, 1 సష్ట గ్రహ కూటమి జరుగుతాయి. వీటి వల్ల దేశారిష్ట యోగాలు ఏర్పడుతున్నాయి.

ఈ సంవత్సరం చివరి రోజున అంటే 29.03.2025 న మీన రాశి లో సూర్య గ్రహణం తో పాటు సష్ట గ్రహ కూటమి కూడా జరుగుతుంది. ఈ సూర్య గ్రహణం భారత దేశం లో కనపడదు. కానీ సష్ట గ్రహ కూటమి వల్ల ప్రపంచం మొత్తం మీద దుష్ప్రభావం వుంటుంది.

ప్రభుత్వం వారు అందరి బాగు కోసం షడ్ గ్రహ యోగ శాంతి చేయించడం మంచిది.

గ్రహ కూటముల వలన కలుగు ఫలములు

యోగాచ్చతుర్గ్రహాణాం సామంత భయం నిరంతరంభవతి ।

పంచగ్రహాఘ్నంతి సమస్త భూపాన్ షట్చ్ గ్రహాః ఘ్నంతి సమస్తదేశాన్ ॥

ఏప్రిల్ 10-13, 23-24 మధ్య మీనంలో చాతుర్రహ కూటమి వలన హిమాచల్ ప్రదేశ్ పరిసర ప్రాంతాలలో నాయకులకు అరిష్టం. కాశ్మీర్, పాకిస్తాన్లలో సమస్యలు. ధరలు విపరీత  హెచ్చు తగ్గులు, ప్రజానష్టం కలుగును

* మే 31 నుండి జూన్ 12 వరకు వృషభంలో చాతుర్రహ కూటమి వలన గుజరాత్,ఇరాన్, రష్యా, స్విస్-పోలాండ్ పరిసర ప్రాంతాలలో నాయకులకు అరిష్టం, అతివృష్టి, వరదలు వచ్చును. వ్యాపారాలు స్థంభించుట, సస్యహాని, ప్రజారిష్టము కలుగును.

• జూన్ 5,6,7న వృషభంలో పంచగ్రహకూటమి వలన కాశ్మీర్, ఉత్తరీశాన్య రాష్ట్రాలలో ముఖ్య
పదవులలో ఉన్న నాయకులకు ప్రాణగండం. (ఉదా :11-ఏప్రిల్-2011 మీనంలో పంచగ్రహకూటమి(చం+కు+బు+గు+శు), సప్తమంలో శని సంచారణ సమయంలో అరుణాచల్ ప్రదేశ్ ముఖ్యమంత్రి డోర్జీ ఖాండు గారు వాతవరణ కారణంగా హెలికాఫ్టర్ ప్రమాదంలో కాలంచేశారు)

•మార్చ్ 15 నుండి 28 వరకు మీనరాశిలో చాతుర్ధహ కూటమి వలన ఉత్తరాదిలో నాయకులకు అరిష్టం కలుగును. మార్చ్ 28 సాయంత్రం నుండి 29 సాయంత్రం వరకు మీనంలో పంచ గ్రహ కూటమి వలన రాజులకు ప్రాణగండం, అరిష్టము, రాహువుతో కలిసి 5 గ్రహములు ఉండుటవలన వానలు సరిగా పడవు. ప్రజలు మనోవ్యధతో, అస్తవ్యస్తమై వానరులవలె ప్రవర్తించెదరు.

•మార్చ్ 29 సా. 7:40 ని॥ల నుండి మీనరాశిలో రవి + చంద్ర + (బుధ) + (శుక్ర) + శని + రాహువుల

షష్టగ్రహ కూటమి 30న సా. 4:34 ని॥ల వరకు ఉండును (20 గంటల 54 నిముషాలు). దీని

వలన సమస్త దేశాలకు విపత్కర పరిస్థితులు కలుగును. బుధ, శుక్రుల వక్రం వలన అనర్థాలు

జరుగును. ఈరోజున సూర్య గ్రహణం కూడా ఉన్నది. భారతదేశంలో కనపడదు. 

ఉత్తర రష్యా, ఐరోపా, వాయువ్య ఆఫ్రికా దేశాలు, గ్రీన్ల్యాండ్, తూర్పు కెనడా, ఈశాన్య అమెరికా, ఆర్కటిక్ ప్రాంతాలలో కనిపించుటవలన, అక్కడ ఊహింపని దుష్పరిణామాలు కలుగును. 

'శాంతి కమలాకర గ్రంథములో : 

"గ్రహషట్కసమాయోగే మంత్రిణాం మరణం భవేత్ | పశ్వశ్వాది భయం

సర్వం సంకరాదిజనక్షయః ॥ పట్టరాజ్జో వినాశోవా మహాభయమథాపివా" 

అని ఉన్నది. ప్రభుత్వము వారు దేశక్షేమం కొరకు, శాంతి కమలాకరము-మదనరత్నము గ్రంథములలో చెప్పిన విధముగా, "షద్దహయోగ శాంతి" చేయించుట మంచిది.' 

( ఉదా : 25-డిసెంబర్-2019న సా. 4:39 ని॥ల నుండీ 27 డిసెంబర్-2019 రా. 11:43 వరకు (55 గంటల 4 నిముషాలు) ధనుస్సులో షష్ఠిగ్రహ కూటమి, సూర్యగ్రహణం కలిగిన తదుపరి కరోనా వల్ల ప్రపంచదేశాలు విలవిలలాడాయి. )

క్రోధి నామ సంవత్సరం (2024-25) లో మీన రాశి వారికి ఫలితాలు

ఈ రాశి స్త్రీ పురుషాదులకు ధన, కుటుంబ జీవన కారకుడైన గురుడు 3వ ఇంట సంచారం. రాహువు కేతువులు అనుకూలసంచారం లేనందున మీకు స్వవిషరాయంలో ధైర్యం తక్కువ. ధనాదాయం అనేకరకాలుగా చేతికి వచ్చి మరుక్షణంలో మాయమగును. భార్యలేక స్త్రీమూలకంగానే మీజీవితం నిలబడును. శారీరకముగా నిరుత్సాహము. దిగులు ఔషధసేవలు చేయుట, నరఘోష ఎక్కువ. మీ వెనుకటి జీవనం తలచుకుంటే మీకు ఆశ్చర్యంగా ఉండును. 

మీ మంచితనం వల్ల ఇతరులు ఏది చెబితే అది నిజమని భావించుటచే చివరకు ఆర్ధిక చికాకులకు లోనగుట. 

ద్వితీయార్ధం నుండి యోగ ఫలములు పట్టుదలచే కార్యాలు సాధిస్తారు. ఆరోగ్యం బాగుండి రాజదర్శనం, శరీరపోషణార్ధం ఇష్టకార్యసిద్ధి, కుటుంబసౌఖ్యం. ధన లాభాలు,సర్వతో ముఖాభివృద్ధి, తీర్ధయాత్రా ఫలప్రాప్తి, స్త్రీ సౌఖ్యం, సంతాన సౌఖ్యం కలుగును. ప్రయాణాదులలో లాభం. భార్యా, పిల్లలు, కుటుంబంపై లోలోపల  అధైర్యంచెందుటకలుగును. 

కొన్నిసందర్భములలో శత్రువులే మిత్రులగుట, పుణ్య క్షేత్రాది దివ్యసందర్శన భాగ్యంచే కొంత మనఃశ్శాంతి చేకూరును. ఎట్టి లోటుపాట్లు కలుగవు. గౌరవం నిలబెట్టుకొనుటకే వ్యయం. మీరు సాంఘికంగా ఉండవలసిన వ్యక్తులగుటచే శతృభీతి హెచ్చును. దైవభక్తి, శక్తి, బంధువర్గములో ప్రత్యేకత కలు గును. మొత్తం మీద అన్నివిధాలుగా అందరికీ ఈ సం॥ యోగదాయకంగా లాభ

దాయకంగా ఉండును. 

ఏల్నాటి శని జన్మరాహువు ఉన్నప్పటికీ గురుబలం వల్ల ముందుకు పోగలరు. ఉద్యోగస్తులకు అనుకూలసమయమే. ఆదాయంకు మించిన ఖర్చులు చేయుదురు. గృహంలో శుభకార్యములు కలిసివచ్చును. ధైర్యం పెరుగును.

మొత్తం మీద ఈ రాశి స్త్రీ పురుషాదులకు మంచి యోగదాయకమైన సం॥రం మీ పనికితగ్గగుర్తింపు. తెలివి తేటలు సద్వినియోగపడును. జీవనలాభం, ఉత్సాహంగా, ఉల్లాసంగా కాలం గడుచును. గత సం॥కంటే అనుకూలసమయం.

క్రోధి నామ సంవత్సరం (2024-25) లో కుంభ రాశి వారికి ఫలితాలు

ఈ రాశి స్త్రీ పురుషాదులకు యోగ కారకుడైన గురుడు వృషభంలో శని జన్మంలో ఉండుటచే మీ గృహకుటుంబ పరిస్థితులు సాంఘిక ముగాను, గృహ సంబంధముగాను కొంత సౌఖ్యం కలిగించును. ప్రధమార్ధంలో బాగుంటుంది.

ఏపని తలపెట్టినా అవలీలగా పూర్తిచేయగలరు. సెప్టెంబర్ నుండి అగ్నిభయము.దొంగల వలన భయం. వృధాగా శ్రమపడుట, ప్రయాణములందు కష్టములు,నష్టములు ఆర్ధికంగా ఇబ్బందులు తప్పవు. కావున దైవధ్యానం చేయాలి. నామ,జపం వ్రతముచే వెలుగు నీడలుగా పరిణమించిన మీ జీవితం ధన్యత నొందును.

మీ ఆరోగ్యం చక్కగా చూచుకొనేది. గర్భస్థ సంబంధ బాధలు మతిస్థిమితం లేకఏమి మాట్లాడుచున్నారో మీకు తెలియని స్థితిగా ఉంటుంది. ఇంద్రియ పటుత్వం దిగజారును. ధాతుబలంతగ్గును. ఆరోగ్యవిషయంలో జాగ్రత్త అవసరం. ఎచ్చటకు వెళ్ళినా గౌరవ మర్యాదలకు లోటురాదు. ప్రతి పని లాభదాయకముగా కన్పించినా లోలోపల పడే బాధలు దేవుని కెరుక అన్నట్లుండును. అధికార వర్గము, బంధువర్గ రీత్యా సంఘంలో పేరు ప్రఖ్యాతులు కలుగును. మీ ఆశయాలు మంచికే దారితీయును. ఎంతకష్టపడి సంపాదించినా చివరకు ఏనుగు మ్రింగిన వెలుగ

పండుమాదిరి అనిపించును. మీలోగల మంచితనం వల్ల ఎంతటి గడ్డు సమస్యలైన తప్పించుకుంటారు. 

గౌరవము నిలబడినా ఆర్ధికంగా ఇబ్బందులు తప్పవు.ఏల్నాటి శని ప్రభావం మీపై దుష్ప్రభావం చూపించును. ఆరోగ్యభంగములు. 

మొత్తం మీద ఈ రాశి స్త్రీ పురుషాదులకు ఆగష్టువరకు పరిస్థితులు అనుకూలం. ఊహించని సమస్యలు. జీవితంలో మరచిపోలేని సంఘటనలు జరుగును.  మీ శక్తి సామర్ధ్యములు మిమ్మల్ని రక్షించలేవు. బంధుమిత్ర అరిష్టములు. నష్టము.

క్రోధి నామ సంవత్సరం (2024-25) లో మకర రాశి వారికి ఫలితాలు

ఈ రాశి స్త్రీ పురుషాదులకు ధన, కుటుంబ కారకుడు గురుడు 5వ ఇంట, లగ్నాధిపతి శని 2వ ఇంట బలీయంగా ఉండుటచే జాతక ప్రభావం బాగుంటుంది. ఏ పని చేసినా బేలన్సుగా ఉండును. పట్టుదల ఎక్కువ. 

ఎంతటి వారినైనా లొంగదీసుకుంటారు. ఆదాయం బహుముఖాలుగా చేతికందును. ఒడిదుడుకులు లేని జీవితమైఉండును. మీమాట, ఆడవారిమాట ఒకటైరాణించును. మీ నమ్మకం,

మీ ఆత్మబలం మిమ్మల్ని సదా కాపాడును. పుణ్యక్షేత్ర సంచారం, పుణ్యనదీ స్నానం. పుణ్యకార్యాలు చేయుదురు. ఎంత ఆదాయమో అంత ఖర్చుఅగును. మీ పేరు ప్రఖ్యాతులు లోకం గుర్తించును. సాంఘికాభివృద్ధి, అధికారులు వలన కూడా మెప్పు పొందుట, యోగ్యమైన అన్నపానీయములు స్వశక్తి సామర్ధ్యములపైకి రాగలుగుట జరుగును. మీ ఆత్మ శరీరమును మంచి దారిలో ఉంచును. 

మీరు ఎంత దైవారాధన చేస్తారో అంత మహోపకారంకలుగును. మీలో దైవత్వం, పరమేశ్వరుని కృపచే సాధించలేని కార్యంఉండదు. గతసంవత్సరం వలెనే ఉంటుంది.స్త్రీప్రాముఖ్యత మీకు అత్యధిక సంతోషం కల్గించును. సద్దోష్టులు చేస్తారు. ధర్మ బుద్ధితో ఉంటారు. అన్నిరంగాల వార్కి యోగ్యకాలమని చెప్పవచ్చు. స్తిరాస్తులు కొంటారు. గృహమార్పులు, స్థానమార్పులు, పాతగృహంలో మార్పులు, స్వల్పంగా దొంగల వల్ల నష్టాలు, ప్రయాణాదులలో ఇబ్బందులు, సోదరమూలక నష్టాలు.

ఏల్నాటి శని ప్రభావం కొంత తగ్గుటచే ఉద్యోగస్తులు గతంలో ఉన్న సమస్యల నుండి బయట పడుదురు. మీపై ఉన్న కేసులు తొలగును. పై అధికారుల మన్ననలచే ప్రమోషన్తోకూడిన బదిలీలు జరుగును. స్త్రీలు సంతోషంతో ఉందురు.

మొత్తం మీద ఈ రాశి స్త్రీ పురుషులకు జీవనం బాగుండును. ఏల్నాటి శని ప్రభావం తగ్గును. రాహువు ప్రభావం అంతగా పనిచేయదు. సౌఖ్యమైనకుటుంబ జీవితం. సాంఘికంగా, మానసికంగా ఉన్నతస్థితిలభించును. ఈర్ష్య అసూయ మీ పై ఉండును.

క్రోధి నామ సంవత్సరం (2024-25) లో ధనుస్సు రాశి వారికి ఫలితాలు

ఈ రాశి స్త్రీ పురుషాదులకు గురుడు 6వ ఇంట, రాహువు, కేతువులు 4,10స్థానములలో ఉండుటచేతను, శనిస్థితి యోగించును. అన్నిరంగములో తమ జీవితమునకు విలువతెచ్చుకుంటారు. అధికారవర్గములో మీ స్వయం ప్రతిభచే కార్యదీక్ష, సంఘంలో గౌరవం, పలుకుబడి కలుగును. పుణ్యక్షేత్ర సందర్శనం చేయుదురు. ధైర్యసాహసములు ' పెరుగుట, కొన్ని శక్తులు సమకూరుట వల్ల ఆత్మీయతను పెంపొందించుట సంఘంలో మంచి స్థానము. 

బంధుమిత్రుల ఆదరణ పెరుగును. మీ యొక్క తెలివి తేటలను అందరు గుర్తించెదరు.

మీరుచేయుపనులకు, గృహజీవితంలో నరఘోష ఎక్కువ. ఎంతటి ధనవ్యయంమైనా లెక్కచేయక విజయంసాధించుట, సొంతవిషయంలో కంటే ఇతరుల విషయంలో శ్రద్దఎక్కువ. మీ వాక్ప్రభావం గొప్పది. మీరుమాట్లాడే మాటలు అందరికి రుచించును. ప్రతీ పనిలోనూ ముందడుగు వేయుదురు. కుటుంబ సమస్యలు తప్పవు.

కుటుంబ వ్యక్తుల వల్ల ధనవ్యయం తప్పదు. శారీరకంగా ఒక్కోసారి చిన్న చిన్న రుగ్మతలు మూలకంగా ధనవ్యయంతప్పదు. సోదరులనుకునేవారి వల్ల ధననష్టం. ఊహించని సమస్యలలో ఇరుక్కొనుట, గురుబలంవల్లవాటినుండి బయటపడుదురు. 

 కుటుంబసమస్యలువల్ల ప్రతీచిన్నవిషయాన్ని గమనించి మసులుకోవలెను. ఉద్యోగస్తులకు ప్రమోషన్తో కూడిన బదిలీలు జరుగును.

మొత్తం మీద ఈ రాశి స్త్రీ పురుషాదులకు గురుడు, రాహువుల ప్రభావం వల్ల శని ప్రభావం వలన జీవన సౌఖ్యం, సాంఘికంగా, మానసికంగా ఉత్తేజంతో జీవించగలరు. కాని కొంతమేర జాగ్రత్త అవసరం. మీ ధైర్యమే మీకు రక్షణ.

క్రో ధి నామ సంవత్సరం (2024-25) లో వృశ్చిక రాశి వారికి ఫలితాలు

ఈ రాశి స్త్రీ పురుషాదులకు ధన, కుటుంబ గౌరవకారకులైన గురుడు 7వ స్థానంలో సంచారం.  రాహువు, కేతువులు 5,11స్థానములలో సంచరించుట,  అన్నిరంగములలో జయమగును. మీ ఆశయములు మనోవాంఛలు సిద్దించును.

ఏ విషయంలో దిగి వ్యవహరించినా మీ ప్లానులు చక్కగా సాగి ఫలించును. లోగడ వదలివేసిన వ్యవహారాలు కలసివచ్చును. అధికారుల యొక్క అనుగ్రహం, బాకీలు   వసూలగుట, మహోన్నతికి రాగలగుట జరుగును. అర్ధాష్టమ శని ప్రభావం వున్ననూ జీవనము మూడు పువ్వులు, ఆరుకాయలు అన్నట్లు జీవితాధిక్యత, అన్నిరంగాలలో ఉన్నతస్థితి, ధనాదాయంనకు స్వల్ప అవమానకరమైనమాటలు, పనులు, ఇతరులకు బాధకలిగించేవి చేస్తేనే గాని మీకు జయం చేకూరదు. ఆడవారి ప్రోద్భలములచే ఉత్సాహ ప్రోత్సాహాలుసిద్దించును. మానసికధైర్యం, సూక్ష్మబుద్ధి, యోచనాశక్తితో మీరు ముందుకుపోగలరు. దూరప్రయాణాలు, తీర్ధయాత్రలు చేయుట, స్థిరాస్థివృద్ధి జరుగును. 

శని, కుజులువల్ల కుటుంబ కలతలు, భార్యాబిడ్డలు వలన మధ్య మధ్య స్వల్ప ఈతి బాధలు వచ్చినా గురుబలం వల్ల వాటిని చివరినిముషంలో పరిష్కారం జరుగును. గతంలో ఆగిపోయిన పనులతో జయం ఆధ్యాత్మిక సాధన, పుణ్యనదీస్నానం, అధికారప్రాబల్యం. వ్యవహారాదులు పరిష్కారమై సొమ్ము చేతికందును.మీమాటకువిలువ, భూ, గృహాధిపేచీలుతొలగి ఆనందమైన జీవనం లభించును.

ఉద్యోగస్తులకు ప్రమోషన్తో కూడిన బదిలీలు, గృహనిర్మాణాలు కలిసివచ్చును. నూతన వాహనములు కొంటారు. జీవితంలో సమస్యలు తొలగి సుఖంగా, హాయిగా, సంతోషంగా ఉంటారు. కుటుంబంతో కలిసి దూరప్రయాణాలుచేస్తారు.

మొత్తం మీద ఈ రాశి స్త్రీ పురుషాదులకు గురుబలం వల్ల జీవనం సౌఖ్యంగా

ఉంటుంది. కొన్నివర్గాలవార్కిబాధలుతప్పవు. శుభాశుభమిశ్రమఫలితాలుండును.

క్రోధి నామ సంవత్సరం (2024-25) లో తులా రాశి వారికి ఫలితాలు

ఈ రాశి స్త్రీ పురుషాదులకు దైవికబలం హెచ్చుగానుండును. ధనం, కుటుంబం, సంపత్తు, పుత్రులకు కారకుడైన గురుడు 8వ ఇంట సంచారం. ఏపనిలోనైనా  ఆత్మవిశ్వాసముతో ముందుకు పోగలుగుట, రాహు, కేతువులు, బలము వలన  శని, 5వ స్థానంలో ఉండుట విశేషించి యోగమును అనుభవిస్తారు. శతృవులు అంతరించుట వ్యవహారాదులలో జయం. గతంలో సాధించలేని పనులు ఈ సమయంలో బాగుగా ఫలించును. 

ఏ వృత్తివ్యాపారాదులలో ఉన్న వారలకైనా బాగుండును. ఒడిదుడుకుల నుండి బయటపడుదురు. రావలసిన సొమ్ములు వచ్చును. గృహసబంధరీత్యా లాభములు, నూతన గృహములు నిర్మించుట కనీసం ఇండ్ల స్థలమైన కొంటారు. అపనిందలు వంటివి కలిగినా అట్టివి అంతరించి ఉభయ క్షేమం కలుగును. సాంఘికాభివృద్ది, మనోవాంఛలు నెరవేరి, స్వశక్తి సామర్థ్యముచే పైకిరాగలరు. ఒక్కో సమయాన ఆదాయమునకు మించిన ఖర్చులు చేయుదురు. 

శతృత్వములు వచ్చినా అణచివేస్తారు. నూతన ప్లానులు పోకడలచే సంఘంలో గౌరవాదులు లభించును. పుణ్యక్షేత్ర సందర్శనం, గృహంలో వివాహాది శుభకార్యాలు కలసి వచ్చుట, దాంపత్యానుకూలత, గృహ జీవితానందం కలుగును. ప్రతీచిన్నవిషయమునుమీకు అనుకూలంగా మలచుకొందురు. 8వ ఇంట గురువు వలన గృహ సంబంధమైన ఒత్తిడి ఒడిదుడుకులు ఆర్ధికంగా సర్దుబాటులేకున్ననూ ఏదోలా ధనము చేతికి అందును. మీలో గల నిజాయితీ, ప్రవర్తన కొంతమేర

కష్టములనుండి కాపాడును. పనివారలు వలనదొంగలు వలన మోసపోవుదురు.

మొత్తం మీద ఈ రాశి స్త్రీ పురుషులకు యోగదాయకంగా ఉంటుంది. మీ తెలివితేటలు, శక్తి సామర్ధ్యాలు, మిమ్మల్ని రక్షించును. మీ ముఖ వర్చస్సు చూడగానే ఇతరులకు గౌరవం. మంచిఅభిప్రాయంకలుగును. అన్నివిధములుగా బాగుండును.

క్రోధి నామ సంవత్సరం (2024-25) లో కన్యా రాశి వారికి ఫలితాలు

ఈ రాశి వారలకు గురుడు భాగ్యమందు సంచారం, శని ఆరింట బలీయుడు, ఈ సం॥రం స్త్రీ పురుషాదులకు మిశ్రమ ఫలితాలుగా ఉండును. మీలో ఎన్నో రకముల సామర్ధ్యాలున్నా ముందుకు వెళ్ళ లేకుండుట జరుగును. అకారణముగా మాటలు పడుట, రావలసిన బాకీలు రాకుండుట, ఆదాయమునకు అంతరాయం. లోలోపల అధైర్యంఏర్పడును. 

రక్తబంధు వర్గములో కలతలు. అశాంతి, మనస్సు ఆందోళనచెందుట, మందత్వం, గుప్తశత్రుభాధలు, స్వంతపనుల కంటే పై వారి పనులలో శ్రద్ధ, లేనిపోని అనుమానాలకు మనస్సులోనగుట, మీ సొమ్ముతిని ఉపకారం పొందినవారే శత్రువులుగా అగుదురు. ఆడవారి ప్రేరేపణచే జరుగు పనులలో ఆందోళన హెచ్చును. ధనవ్యయంమీదకొట్టివేయును. పుణ్యక్షేత్రసంచారం.

గృహమార్పులు, ప్రయాణాలలో ఒత్తిడి. ఔషధసేవలు చేయుట, చోరభయం, సాంఘికంగా అపనిందలు, గౌరవాదులలో మార్పులు, ఏదోరూపంగాధనంచేతికి అందుచూ అనేకరకములుగా సొమ్ము హారతి కర్పూరంవలె హరించును. శారీరక మానసిక బాధలు తప్పవు. ఆందోళనలు హెచ్చును. వ్యసనాలు ద్వారా ధనవ్యయం. వృధాగా కాలక్షేపం చేయుట, శని బలీయంగా ఉండుటచే కొన్నివిషయాలలో ధైర్యంగా ముందుకు పోగలరు. మీ ధైర్య సాహములే మిమ్మల్ని సమస్యల నుండి రక్షించును.

భార్యాభర్తలమధ్య ఒక్కోసారి మాటమాటా పట్టింపులు, విడిపోయేంతవరకు సమస్యలు వచ్చును. బంధుమిత్రుల అరిష్టం. కావలసినవారు దూరమగుట జరుగును.మొత్తం మీద ఈ సం॥రం స్త్రీ పురుషాదులకు మిశ్రమ ఫలితాలుండును.

కొందరికి యోగం, మరికొందరి అవయోగం. శని బలంగా ఉన్ననూ రాహు, కేతువులు బలం లేని కారణంగా జీవితం అస్తవ్యస్తంగా ఉంటుంది. మీ ప్రతిభా పాటవాలు వెలుగులోనికిరావు. ఊహించని సమస్యల వల్ల చాలా ఇబ్బందులు.

క్రోధి నామ సంవత్సరం (2034-25) లో సింహ రాశి వారికి ఫలితాలు

ఈ రాశి స్త్రీ పురుషాదులకు ధన, కుటుంబ కారకుడైన గురుడు పదవరాశిలో రాహువు అష్టమందు ఉన్నందున సం॥రం ప్రారంభం నుండి నరకమైన జీవితం గడుపుదురు. శారీరకంగా, మానసికంగా కృంగదీయును. శరీరములో ఆరోగ్యబాధలు,నేత్రపీడలు, మందత్వం, నిరుత్సాహం కలుగును. అవమానకరమైన పనులు, అపనిందలు, రావలసిన సొమ్ముకు ఆటంకం, ఇవ్వవలసినవి తప్పక పోవుట, ఎంతమంచిగా ఉందామనుకున్నా ఏదో ఒక లోపం, నెపముగా పరిణమించును.

అనేకఊహించని సంఘటనలు జరుగును. ప్రారంభంలో కష్టనష్టాలుగా కనిపించినా చివరకు ఆదాయం, రాజ్యపూజ్యత కొంత మేర కలిగించును. బంధుమిత్రాదుల యొక్క సహాయ సహకారాలు లభించును. మీయొక్క తెలివితేటలు వలన కొన్ని గడ్డు సమస్యల నుండి బయటపడుదురు. కళత్ర, సంతాన పీడలు, ధనవ్యయం,ప్రయాణాదులలోధననష్టం, చోరభయం, ప్రతీ విషయంలో ఆంతరంగిక భయం కలుగును. నేత్ర, కంఠ, హృదయ బాధలు తప్పవు. ఏ చిన్నకార్యము తలపెట్టినా ఆడవారి సలహా తీసుకొనుట మంచిది. వారి ప్రమేయంతో మీ జీవితం ముందుకు

సాగును. 

బంధుమిత్ర వర్గం వారితో సమయస్ఫూర్దితో మెలగాలి. ఊహించని అద్భుత సంఘటనలు జరుగును. కొన్ని విషయాలలో కొద్దిలో తప్పించుకొంటారు.సాంఘికంగానూ, ఆధ్యాత్మికముగా కూడా దైనందిన కార్యములో అభివృద్ధి కన్పించును. ఒక్కోసారి ఆవేశపూరితంగా వ్యవహరించుటచే నష్టపోవుదురు.

మొత్తంమీద ఈరాశి స్త్రీపురుషాదులకు గ్రహసంచారం మిశ్రమంగా ఉన్నందు వలన అన్నివర్గాల వార్కిఇబ్బందులు. మీ యొక్కశక్తి సామర్ధ్యాలు, తెలివి తేటలు,ధైర్యసాహసాలఫలితం ఉండదు. ప్రతీచిన్నవిషయం యోచించి మసలు కోవలెను.

క్రోధి నామ సంవత్సరం (2024-25) లో కర్కాటక రాశి వారికి ఫలితాలు

ఈ రాశి స్త్రీ పురుషాదులకు ధనము, విద్య సంపత్తు, బుద్ధి, సంతానమునకు కారుకుడైన గురుడు మంచిస్థానములందుండుట చేత ఎలాంటి కష్ట సాధ్యమైన పనులైనా సాధించగలరు. 

వ్యక్తిగతంగాను సాంఘికంగా గౌరవప్రతిష్ఠలు పెరుగును. మీలో గల శక్తి సామర్థ్యాలు హెచ్చి, అధికార వర్గముగా ఉపకారలాభాలు కలుగును. గృహనిర్మాణాది పనులు కలసివచ్చును. మీ జీవన మార్పులు వలన సంఘంలో గౌరవం. మంచిఫలితాలు ఇచ్చును. నూతనప్రయత్నములు ఫలించును.

బంధువర్గంలో మీప్రాముఖ్యత హెచ్చును. అన్నిరంగాలవార్కి జీవనవృద్ధి, రాజ పూజ్యతహెచ్చును. కుటుంబఔన్నత్యం. చిత్రవిచిత్ర వస్తు వస్త్ర మూలక ధనవ్యయం కలుగును. తలవని తలంపుగా అభివృద్ధిలో మార్పులు జరుగును. అష్టమ శని వల్ల స్వల్పంగాఅనారోగ్యం, రక్తమార్పు, ధాతుబలం తగ్గుట, కళత్రవంశ పీడలు కలుగును. వాహనప్రమాదాలుగాన జాగ్రత్తగా, ఆచితూచి ప్రయాణాలు చేయవలెను. సోదరసోదరీలు అనుకూలత, పెద్దల అనుగ్రహం, స్త్రీ సహాయం, నూతన బాంధవ్యాలు, జీవనరంగములో ఆధిక్యత, గృహంలో వివాహాది శుభకార్యములు,

భూగృహాదులుకొనుటలేదా పాతగృహంలో మార్పులు, నూతన వృత్తులు, వ్యాపార వ్యవహారాలలో అభివృద్ధి, గుప్తస్త్రీసమావేశములు, వినోద విహారాదులు కలుగును.

పుణ్యక్షేత్ర సందర్శనములు, మనఃశ్శాంతి కలుగును. గతంలో ఎడబాటుగా ఉన్న భార్యాభర్తలు కలుసుకుంటారు. ఆనందమైన జీవనం. దాంపత్య సౌఖ్యం.

మొత్తం మీద ఈ రాశి స్త్రీ పురుషాదులకు మంచి యోగదాయకమైన కాలం. ఊహించని విధంగాజీవిస్తారు. ప్రతిఒక్కరిదృష్టి మీపై ఉంటుంది. గతంలో ఎన్నడూ లేని విధంగా సుఖవంతమైన జీవనం లభించును. మీయొక్క శక్తిసామర్ధ్యాలు అందరికీతెలిసి పేరు ప్రఖ్యాతులు పొందగలరు. అష్టమశనిప్రభావం స్వల్పంగా ఉంటుంది.

క్రోధి నామ సంవత్సరం (2024-25) లో మిధున రాశి వారికి ఫలితాలు

ఈ రాశి వార్కి బుద్ధి, ధనము, కుటుంబ కారకుడైన గురుడు, బలీయంగా ఉండుట, శని, రాహువుల కూడా బలంగా యుండుటచే ఉన్నతస్థితికి రాగలరు. యోగ ప్రభావం హెచ్చును. ధనాదాయం చాలాబాగుండును. భార్యాభర్తలు కలిసి ఏ పని చేసినా, ఏ వ్యాపారం తలపెట్టినా విజయం నూతన గృహలాభములు, కట్టడములు, గృహములో వివాహాది శుభకార్యములు ఆనందంగా జరుగును.

నూతన బాంధవ్యములు, పుణ్యక్షేత్రములకు వెళ్ళుట, వాహనలాభము, మనస్సుకు సంతోషమైన పనులు చేయుట, తమ యొక్క మాట చమత్కార, యుక్తి ప్రభావము చేత ఎంతటి వారలైన లోబరుచుకొనుట కలుగును. గత సంవత్సరంకంటే విశేష యోగం అనుభవిస్తారు. విలాసవంతమైన జీవనం కలుగును. తోడు లేకుండా ఏ పనికలసిరాదు. స్త్రీప్రమేయంతో ఎంతటి ఘనకార్యమైన సాధిస్తారు. 

మీ ఆడవారి చేత్తో డబ్బు తీసుకొని నడిపించేది. గతంలో ఉన్న జీవితాశయాలు నెరవేరును. లోగడ చేసిన ఋణబాధలు తొలగును. దైవీకమైన శక్తి, బలం ఒకవిధమైన ఆత్మీయత కలిగించును. శనిబలం వల్ల ఎంతటి కార్యాన్నైనా సాధించగలరు. చేయు కృషి, వ్యవహారాలలో మార్పులు, క్రమేపి శరీర ఆరోగ్యం అంతరించుట స్త్రీ మూలక సంతోషము. కుటుంబ సంరక్షణ, నూతన కార్యప్రారంభములు, బంధువర్గంలో మీ ప్రాముఖ్యత పెరుగును. స్థిరాస్థిలో మార్పులు భూగృహాదులు వలన తగిన ఆదాయం చేకూరును. అ ప్రయత్న ధనలాభములు, రెండు మూడు విధములైన ఆదాయం కలుగును. సాంఘిక సేవా కార్యములు చేయుదురు. దూరప్రయాణాలు.

మొత్తంమీద ఈరాశి స్త్రీ,పురుషాదులకు మంచియోగకాలంగా చెప్ప వచ్చును. గత సం॥రం కంటె మెరుగ్గా ఉండును. మీ యొక్క సామర్ధ్యములు, తోడుగా గ్రహబలం తోడగుటచే మీకు ఎదురులేకుండా పోవును. అనుకున్న జీవనం, సౌఖ్యం, ఆనందంగా జీవించగలరు. సమస్యలు తొలగును. సౌఖ్యము.

క్రోధి నామ సంవత్సరం (2024-25) లో వృషభ రాశి ఫలితాలు

ఈ రాశి స్త్రీ పురుషాదులకు అష్టమ లాభాధిపతి, ధనము సంపత్తు కుటుంబ మునకు కారకుడైన గురుడు జన్మంలో కలసినందున సప్తమంలోశని రాజ్యస్థానంలో ఉండుట. ఈగ్రహ సముదాయ బలంచే జీవితంలో ఎంచదగిన కాలంగా ఉండును. అయినా శుభాశుభ ఫలితములేఇచ్చును. సంసారజీవితంలో ఆనందం.|ఉత్సాహప్రోత్సాహములు, మనోనిశ్చితకార్యములు నెరవేరుట జరుగును. స్థిరాస్థిని వృద్ధిచేయుట, భూగృహ జీవితానందము, పదవులు, బహుమానములు పొందుట, అధికారఅనుగ్రహం,స్త్రీమూలకలాభం,అన్యస్త్రీలాభాలు, విలవైనవస్తువులు కొనుట,

కొన్ని విషయాలలో అపనిందలు, అపవాదులు ఎదుర్కొనవలసి వచ్చును. ఆకస్మిక నిర్ణయాలువల్ల బుద్ధిచాంచల్యం తేజోనాశనం. ఇతరులు వలన మోసపోవుటయు, ఆందోళన, ధననష్టం, బంధుజనులు వలన దుఃఖము, మాతృవంశ సూతకములు, వాహన ప్రమాదాలు తప్పవు. విదేశీ ప్రయాణాలున్నవారికి అనుకూలత త్వరగా వీసాలభించును. నూతనవ్యాధులు, భయాందోళనకలిగించు సంఘటనలు. ప్రయాణాలందు ఆరోగ్యభంగములు, అలసట, భార్యకు స్పల్పంగా ఆరోగ్యభంగములు, ఆపరేషన్ జరుగుట, వృధాగా కాలక్షేపం చేయుట మనో దుఃఖములు, సోదర మూలకంగా విరోధాలు, నేత్రఉదర, సంబంధవ్యాధులు, మిత్రవిరోధాలు కలుగును.

కుటుంబంలో వివాహాది శుభకార్యములు తప్పక జరుగును. కొన్ని విషయములలో చాలా జాగ్రత్తగా వ్యవహరించాలి. మీకు మీ బలమే కొండంత అండ. మీ తెలివితేటలు, ఎత్తుగడలతో కొన్ని కార్యములు సాధించుకోగలరు. తీర్ధయాత్రాఫలప్రాప్తి.

మొత్తం మీద ఈరాశి స్త్రీపురుషాదులకు శుభాశుభమిశ్రమఫలితాలు వచ్చును. కొంతమందిని అనుకూలత మరికొంతమందికి నిరుత్సాహం. ఎంతప్రతిభ కనపరచినా ఫలితంఉండదు. మీ శక్తిసామర్ధ్యాలు ఏమాత్రం పనిచేయవు. ఏపనితల పెట్టినాచాలాశ్రమపడి విజయంసాధిస్తారు. సంఘజీవనంబాగుంటుంది. సౌఖ్యం.

క్రోధి నామ సంవత్సరం ( 2024 -25) లో మేష రాశి ఫలితాలు

క్రోధి నామ సంవత్సరం 09.04.2024 నుండీ 29.03. 2025 వరకు 

ఈ రాశి స్త్రీ, పురుషాదులకు భాగ్య, వ్యయాధిపతి గురుడు ధనస్థానములో ఉండుట శని 11వ ఇంట బలీయంగా, రాహువు, కేతువులు వ్యయం, షష్టములందు ఉన్నందువలన అన్నివిధములుగా యోచన చేయగా ఏ రకమైన జీవనం చేయు వారికైనా ధనాదాయం బాగుండును. తమ అమూల్య కార్యముల పట్ల విజయం, వ్యవహార నిపుణత. యోచనాశక్తి, శత్రుమూలకముగా అనర్ధములు, సంవత్సర ప్రారంభంలో జరిగిన వ్యవహారములు అన్ని పరిష్కారమునకు వచ్చును. మొదటి నెల కొంత అసంతృప్తిగా ఉన్నా, హోదా, గౌరవంగల వ్యక్తులు పరిచయంవల్ల గృహ జీవితానందం మంచి ప్రోత్సాహం కలుగును. 

ఏదోవిధంగా ధనము చేతికందును.ఎటువంటి లోటుపాట్లు కలగవు. ఎంత ఆదాయం వచ్చినా మంచినీళ్ళవలె ఖర్చ గును. చేతిలో సొమ్ము నిలవదు. ఋణాలు చేయవలసి వచ్చును. తీర్ధయాత్రలు చేయుదురు. ఆప్తబంధుమిత్రుల మరణములు కొంత బాధకలిగించును. కర్మలు

కూడా చేయవలసివచ్చును. ఆకస్మికంగా, అనుకోకుండా దూర ప్రయాణములు చేయవలసి వచ్చును. ఆరోగ్యం బాగుండును. గతంలో ఉన్న రోగములు తగ్గును.

సుఖమైన, ఆనందమైనజీవనం అనుభవించెదరు. సంతానంవలనసౌఖ్యం,గృహంలో వివాహాది శుభకార్యాలు తప్పక జరుగును. స్థలం కొనుట, లేదా గృహం కొనుట తప్పక జరుగును. గతంలో కొంత ఔన్నత్యమైన జీవితం అనుభవిస్తారు. ప్రభుత్వ సంబంధకార్యములు రెండవ నెల నుండి పూర్తగును. గృహనిర్మాణలాభములు. మొత్తం మీద ఈ రాశి స్త్రీ పురుషులకు మంచి యోగకాలంగా చెప్పవచ్చును.

గురు,శనులబలం బాగుంది. రాహువువల్ల సూతకాలు పితృ, మాతృ సోదర వర్గ అరిష్టములు కలుగును. జీవితంలో ఔన్నత్యములు కలుగును. అనుకున్నది సాధించ గల తపన పెరుగును. మనోబలంతో కార్యలాభం , జీవనసౌఖ్యము కలుగును.

Pawan Kalyan Winning in Pithapuram - నిన్నటి పోస్ట్ కి అనుబంధం గా - ఆంధ్ర ప్రదేశ్ ఎన్నికల షెడ్యూల్ - పవన్ కళ్యాణ్ గెలుపు అవకాశాలు :

నిన్నటి పోస్ట్ కి అనుబంధం గా - ఆంధ్ర ప్రదేశ్ ఎన్నికల షెడ్యూల్ - పవన్ కళ్యాణ్ గెలుపు అవకాశాలు :

సెప్టెంబర్ 2, 1967 ఉదయం 04:10 కి బాపట్ల లో పవన్ కళ్యాణ్ జన్మించినట్లు తెలుస్తోంది . ఈ వివరాలతో జూన్ 4 ,2024 న తిథి ప్రవేశ చక్రం లో గ్రహ స్థితులు, బలాలు ఎలా వున్నాయో పరీక్షిస్తే ఈ క్రింది విధమైన అంచనాకి రావడం జరిగింది :

పిఠాపురం లో పవన్ కళ్యాణ్ ఖచ్చితం గా గెలవబోతున్నాడు. ఇంతకు ముందు ఎవరూ గెలవనంత మెజారిటీ తో గెలవబోతున్నాడు.

దశమ ఏకాదశాధిపతి శని శ్వ స్ధానం లో ఏకాదశ భావం లో వుండడం విజయానికి బలమైన కారణం.

విజయాన్ని సూచించే ఏకాదశ భావం సర్వాష్టకవర్గు లో అతి బలం గా (41/56) వుండడం వల్ల 200% విజయం సాధిస్తాడని చెప్పొచ్చు.

ఏకా దశాధిపతి శని కి ఆ రోజు తిధిప్రవేశ చక్రం లో లగ్న, ఘటీ లగ్న , హోరా లగ్నాల తో సంబంధం ఉన్న కారణం గా మహా యోగం ఏర్పడింది.

అలాగే పంచమ , నవమాధిపతులైన రవి గురువుల యుతి వల్ల రాజ యోగం ఏర్పడింది.

ఆ రోజు జాతకం లో బుధుడు 6 వ భావాధిపతి అవ్వడం వల్ల పోటీ దారుని సూచిస్తాడు. ఈ బుధుడు నవమాధిపతి గురువు తో గ్రహ యుద్ధం లో ఓడిపోయి వున్నాడు. ఇది విజయాన్ని సూచించే ఇంకొక శుభ యోగం.

Andhra Pradesh Assembly/Loksabha Elections - 2024 - Who will Win ???

 

ఆంధ్ర ప్రదేశ్ లో ఎన్నికల షెడ్యూల్ విడుదల అయ్యింది.

మే 13 న 175 అసెంబ్లీ , 25 పార్లమెంట్ సీట్లకు పోలింగ్ జరుగుతుంది.
జూన్ 4 న ఎన్నికల ఫలితాలు ప్రకటింపబడతాయి.

మన రాష్ట్ర ప్రస్తుత ముఖ్యమంత్రి జగన్ మోహన్ రెడ్డి 21 డిసెంబర్, 1972 న ఉదయం 01:32 ( 20 వ తారీకు అర్ధరాత్రి దాటిన తరువాత ) కి పుట్టినట్టు తెలుస్తోంది.

ఫలితాలు వెల్లడి అయ్యే జూన్ 4 వ తారీకు న జగన్ జాతకం ఎలా వుందో తిథి ప్రవేశ చక్రం ద్వారా అంచనా వేస్తే ఈ క్రింది విధంగా వుంది :

లగ్నం సింహ రాశి అయ్యింది. లగ్నాధిపతి రవి దశమ స్థానం లో వృషభ రాశి లో గురు ,బుధ , శుక్రుల తో కలిసి చాతుర్గ్రహ కూటమి లో వుండడం గమనించవచ్చు.

ఎన్నికలలో జగన్ విజయావకాశాలు ఈ నాలుగు గ్రహాల కూటమి స్పష్టం చేస్తోంది.

బుధుడు ఏకాదశాథిపతి గా విజయావకాశాలు గురించీ చెప్తున్నాడు. ఈ బుధుడు అష్టమాధిపతి గురువు తో గ్రహ యుద్ధం లో ఒడింపబడి వున్నాడు. ఇది ఒక నెగటివ్ అంశం.

లగ్నం నుంచీ దశమంలో అష్టమాధిపతి గురువు వుండడం మరో ప్రతికూలమైన స్థితి.

అధికారాన్ని సూచించే దశమాధిపతి శుక్రుడు రవి కి అతి దగ్గిరగా వుండడం వల్ల అస్తంగత దోషం లో వున్నాడు. ఇది మరో ప్రతికూలమైన స్థితి.

ఆ రోజున నవమ భావంలో రాహు వుండడం దురదృష్టాన్ని సూచిస్తోంది.

జూన్ 4 వ తారీకు న వున్న గ్రహ స్థితులు జగన్ కి ఏమాత్రం అనుకూలం గా లేవు.

మొత్తం మీద చూస్తే రాబోయే ఎన్నికలలో వైసీపీ ప్రభుత్వానికి దారుణమైన ఎదురు దెబ్బ తగలడం ఖాయం గా కనపడుతోంది.

మార్చ్ 25,2024 న చంద్ర గ్రహణం - ప్రభావం :

 

ఈ గ్రహణం భారత దేశం లో కనపడదు. ఈశాన్య ఆసియా ఖండం లో, యూరోప్, ఆస్ట్రేలియా,ఆఫ్రికా ఖండాలలో ని చాలా భాగం, ఉత్తర ,దక్షిణ అమెరికా ల లో కనపడుతుంది.

గ్రహణం కనపడే ప్రదేశాలలో 75 నుండీ 100 శాతం ప్రభావం చూపిస్తే కనపడని ప్రాంతాలలో 25 నుండీ 50 శాతం ప్రభావం చూపిస్తుందని నారాయణ సంహిత లో చెప్పబడింది.

ఈ గ్రహణం దేశాల ఆర్థిక వ్యవస్థ ల మీద దుష్ప్రభావం చూపించే అవకాశం కనపడుతోంది.

ఈ గ్రహణానికి దగ్గిర లో టెక్నాలజీ కంపెనీలు తమ ఉద్యోగుల్ని layoffs చేసే అవకాశం వుంది. ప్రకృతి వైపరీత్యాలు సంభవించవొచ్చు. ద్రవ్యోల్బణం అధిక స్థాయి కి చేరుకుంటుంది.

ఉత్తర అమెరికా మీద ఈ గ్రహణం ఎక్కువ ప్రభావం చూపించే అవకాశం వుంది.

భారత దేశం లో పాకిస్తాన్ బోర్డర్ కి దగ్గరలో టెర్రరిస్ట్ దాడులు, వెస్ట్ బెంగాల్ లో మత పరమైన అల్లర్లు జరిగే అవకాశం .

రేపటి నుండీ కుంభ రాశిలో కుజ సంచారం - శని తో యుతి - ప్రభావం :

 

రేపు అంటే 15. 03. 2024 న సాయంత్రం 17:20 కి కుజుడు కుంభ రాశి ప్రవేశం చేసి ఏప్రిల్ 23,2024 వరకు ఈ రాశి లో సంచారం చేస్తాడు . ఈ సంచారం లో చెప్పుకోదగ్గది శని తో కుజుడి యుతి . ఏప్రిల్ 9 వ తారీకు న ఉగాది తరువాత ఏప్రిల్ 11 వ తారీకున  శని కుజుల ఖచ్చితమైన  యుతి కుంభ రాశి లో జరుగుతుంది . రెండు ఆధి శతృ గ్రహాలు యుతి లో ఉండడం ప్రపంచానికి అంత మంచి ఫలితాన్ని ఇవ్వదు . 

ఇంతకు పూర్వం కుంభ రాశి లో శని కుజుల యుతి 1994 వ సంవత్సరం లో జరిగింది.మార్చ్ 14,1994 న ఈ యుతి జరిగింది .  ఈ యుతి వల్ల ప్రజాందోళణలు సంభవించే అవకాశం ఉంటుంది . ప్రభుత్వం వెనుకడుగు వెయ్య వలసి ఉంటుంది . విమాన ప్రమాదాలు జరిగే అవకాశం. 

1994 లో ఈ యుతి జరిగినప్పుడు  సంభవించిన ముఖ్య ఘటనలు : 

మార్చ్ 23 న నార్త్ కెరొలినా లో  రెండు యుద్ధ విమానాలు ఢీ కొని ప్రాణ నష్టం సంభవించింది . 

అదే రోజు మెక్సికో ప్రెసిడెంట్ హత్య కి గురికాబడడం . 

పైన ఉదహరించిన సంఘటనల వంటివి మళ్ళీ జరిగే అవకాశం  వుంది 

ఉత్తర దక్షిణ అమెరికా దేశాల మీద ఈ యుతి ప్రభావం ఉంటుంది .  

వరాహమిహిరుడి కూర్మ చక్ర విధానం ప్రకారం ఈ యుతి ఉత్తర భారత దేశం మీద ఎక్కువ ఉంటుంది . ప్రజానాయకుల కు ప్రమాదం వుంది . ప్రముఖ నాయకుడు ఒకరు హత్యకు గురికావొచ్చు. విమాన దుర్ఘటనలు , అగ్ని ప్రమాదాలు ఎక్కువగా జరగొచ్చు . 

వివిధ రాశుల వారి మీద శని కుజుల యుతి ప్రభావం ఈ విధం గా ఉండొచ్చు : 

మేష రాశి : మిత్రులతో అభిప్రాయభేదాలు / వైరం. ఆదాయం పెరుగుతుంది. మీ విజయాలను చూసి ఈర్ష్య పడేవాళ్ళు ఎక్కువ అవుతారు . 

వృషభ రాశి : ఆఫీస్ వ్యవహారాల్లో జాగ్రత్తగా ఉండాలి . పై అధికారులు వారు చేసిన తప్పులు మీ మీద మోపే అవకాశం . ప్రమోషన్ కోసం ఎదురుచూస్తున్న వారు ఇంకొంత కాలం వేచి ఉండాల్సి వస్తుంది . 

మిధున రాశి : అదృష్టం తక్కువ గా ఉంటుంది . మీ క్రింద పని చేసేవాళ్ళు మోసం చేస్తారు జాగ్రత్త . తండ్రి ఆరోగ్యం జాగ్రత్తగా చూసుకోవాలి . తీర్ధయాత్రలు వాయిదా వేసుకోవడం మంచిది . 

కర్కాటక రాశి : దగ్గిర వాళ్ళు దూరం అవుతారు . మాట్లాడే ముందు ఆలోచించాలి . కోపాన్ని ఆవేశాన్ని అదుపులో ఉంచుకోవాలి . ఆరోగ్యం పై శ్రద్ధ పెట్టాలి . 

సింహ రాశి : భాగస్వామ్య వ్యాపారాల్లో నష్టాలు ఉంటాయి . భాగస్వామ్యుల తో గొడవలు రాకుండా జాగ్రత్త పడాలి . భార్య తో మనఃస్పర్ధలు రావొచ్చు . అరుగుదల లేకపోవడం వల్ల సమస్యలు ఉంటాయి . 

కన్యా రాశి : శత్రువుల పై విజయం సాధిస్తారు . పోటీ పరీక్షలలో విజయం సాధిస్తారు . అప్పులు తీర్చిస్తారు . ఆరోగ్యం పై శ్రద్ధ పెట్టాలి . 

తులా రాశి  :  సంతానం ఆరోగ్యం మీద శ్రద్ధ పెట్టాలి . కోపావేశాలను అదుపులో పెట్టుకోవాలి . ఏ  నిర్ణయమూ తీసుకోలేక ఇబ్బంది పడతారు . 

వృశ్చిక రాశి : తల్లి ఆరోగ్యం పై శ్రద్ధ పెట్టాలి . వాహనం నడిపేటప్పుడు జాగ్రత్త వహించాలి . ఇంటికి రిపేర్లు  చేయిస్తారు . విద్యార్థులు అనుకున్న విజయం సాధించలేరు .      

ధనుస్సు రాశి : పోటీ పరీక్షలలో నెగ్గుతారు . ఆట పోటీ లలో విజయం సాధిస్తారు. ధైర్య సాహసాలతో వ్యవహరిస్తారు . 

మకర రాశి : ఆలోచించి మాట్లాడాలి . ఆర్ధిక పరమైన ఇబ్బందులు ఉంటాయి . మోసం చేసే వాళ్ళు అవకాశం కోసం ఎదురుచూస్తూ వుంటారు జాగ్రత్త వహించండి . కుటుంబ సమస్యలు ఉంటాయి . వివాదాలకి దూరంగా ఉంటుంది . 

కుంభ రాశి : మానసిక ఆందోళనలు ఉంటాయి . ఆరోగ్యం పై శ్రద్ధ పెట్టాలి . మెడిటేషన్ చెయ్యండి . ఖర్చులు ఎక్కువగా ఉంటాయి . దూర ప్రయాణాలు చేస్తారు . 

మీన రాశి : ప్రయాణాల్లో జాగ్రత్త వహించాలి. ఆరోగ్యం పై శ్రద్ధ పెట్టాలి. ఆస్తి కొనుగోలు అమ్మకాలు   విషయాల్లో జాగ్రత్త వహించాలి .   

శివాష్టకం

శివాష్టకం

ప్రభుం ప్రాణనాథం విభుం విశ్వనాథం జగన్నాథ నాథం సదానంద భాజామ్ ।

భవద్భవ్య భూతేశ్వరం భూతనాథం, శివం శంకరం శంభు మీశానమీడే ॥ 1 ॥

గళే రుండమాలం తనౌ సర్పజాలం మహాకాల కాలం గణేశాది పాలమ్ ।

జటాజూట గంగోత్తరంగైర్విశాలం, శివం శంకరం శంభు మీశానమీడే ॥ 2॥

ముదామాకరం మండనం మండయంతం మహా మండలం భస్మ భూషాధరం తమ్ ।

అనాదిం హ్యపారం మహా మోహమారం, శివం శంకరం శంభు మీశానమీడే ॥ 3 ॥

వటాధో నివాసం మహాట్టాట్టహాసం మహాపాప నాశం సదా సుప్రకాశమ్ ।

గిరీశం గణేశం సురేశం మహేశం, శివం శంకరం శంభు మీశానమీడే ॥ 4 ॥

గిరీంద్రాత్మజా సంగృహీతార్ధదేహం గిరౌ సంస్థితం సర్వదాపన్న గేహమ్ ।

పరబ్రహ్మ బ్రహ్మాదిభిర్-వంద్యమానం, శివం శంకరం శంభు మీశానమీడే ॥ 5 ॥

కపాలం త్రిశూలం కరాభ్యాం దధానం పదాంభోజ నమ్రాయ కామం దదానమ్ ।

బలీవర్ధమానం సురాణాం ప్రధానం, శివం శంకరం శంభు మీశానమీడే ॥ 6 ॥

శరచ్చంద్ర గాత్రం గణానందపాత్రం త్రినేత్రం పవిత్రం ధనేశస్య మిత్రమ్ ।

అపర్ణా కళత్రం సదా సచ్చరిత్రం, శివం శంకరం శంభు మీశానమీడే ॥ 7 ॥

హరం సర్పహారం చితా భూవిహారం భవం వేదసారం సదా నిర్వికారం।

శ్మశానే వసంతం మనోజం దహంతం, శివం శంకరం శంభు మీశానమీడే ॥ 8 ॥

స్వయం యః ప్రభాతే నరశ్శూల పాణే పఠేత్ స్తోత్రరత్నం త్విహప్రాప్యరత్నమ్ ।

సుపుత్రం సుధాన్యం సుమిత్రం కళత్రం విచిత్రైస్సమారాధ్య మోక్షం ప్రయాతి ॥

ఓం నమః శివాయ మహాశివరాత్రి శుభాాంక్షలు శుభ శుక్రవారం

శ్రీ వేద వ్యాస స్తుతి/श्री वेद व्यास स्तुति

శ్రీ వేద వ్యాస స్తుతి

వ్యాసం వసిష్ఠనప్తారం శక్తేః పౌత్రమకల్మషమ్ ।
పరాశరాత్మజం వందే శుకతాతం తపోనిధిమ్ ॥ 1

వ్యాసాయ విష్ణురూపాయ వ్యాసరూపాయ విష్ణవే ।
నమో వై బ్రహ్మనిధయే వాసిష్ఠాయ నమో నమః ॥ 2

కృష్ణద్వైపాయనం వ్యాసం సర్వలోకహితే రతమ్ ।
వేదాబ్జభాస్కరం వందే శమాదినిలయం మునిమ్ ॥ 3

వేదవ్యాసం స్వాత్మరూపం సత్యసంధం పరాయణమ్ ।
శాంతం జితేంద్రియక్రోధం సశిష్యం ప్రణమామ్యహమ్ ॥ 4

అచతుర్వదనో బ్రహ్మా ద్విబాహురపరో హరిః ।
అఫాలలోచనః శంభుః భగవాన్ బాదరాయణః ॥ 5

శంకరం శంకరాచార్యం కేశవం బాదరాయణమ్ ।
సూత్రభాష్యకృతౌ వందే భగవంతౌ పునః పునః ॥ 6

బ్రహ్మసూత్రకృతే తస్మై వేదవ్యాసాయ వేధసే ।
జ్ఞానశక్త్యవతారాయ నమో భగవతో హరేః ॥ 7

వ్యాసః సమస్తధర్మాణాం వక్తా మునివరేడితః ।
చిరంజీవీ దీర్ఘమాయుర్దదాతు జటిలో మమ ॥ 8

ప్రజ్ఞాబలేన తపసా చతుర్వేదవిభాజకః ।
కృష్ణద్వైపాయనో యశ్చ తస్మై శ్రీగురవే నమః ॥ 9

జటాధరస్తపోనిష్ఠః శుద్ధయోగో జితేంద్రియః ।
కృష్ణాజినధరః కృష్ణస్తస్మై శ్రీగురవే నమః ॥ 10

భారతస్య విధాతా చ ద్వితీయ ఇవ యో హరిః ।
హరిభక్తిపరో యశ్చ తస్మై శ్రీగురవే నమః ॥ 11

జయతి పరాశరసూనుః సత్యవతీ హృదయనందనో వ్యాసః ।
యస్యాస్య కమలగలితం భారతమమృతం జగత్పిబతి ॥ 12

వేదవిభాగవిధాత్రే విమలాయ బ్రహ్మణే నమో విశ్వదృశే ।
సకలధృతిహేతుసాధనసూత్రసృజే సత్యవత్యభివ్యక్తి మతే ॥ 13

వేదాంతవాక్యకుసుమాని సమాని చారు
జగ్రంథ సూత్రనిచయేన మనోహరేణ ।
మోక్షార్థిలోకహితకామనయా మునిర్యః
తం బాదరాయణమహం ప్రణమామి భక్త్యా ॥ 14

ఇతి శ్రీ వేదవ్యాస స్తుతిః ।


श्री वेद व्यास स्तुति

व्यासं वसिष्ठनप्तारं शक्तेः पौत्रमकल्मषम् ।
पराशरात्मजं वन्दे शुकतातं तपोनिधिम् ॥ 1

व्यासाय विष्णुरूपाय व्यासरूपाय विष्णवे ।
नमो वै ब्रह्मनिधये वासिष्ठाय नमो नमः ॥ 2

कृष्णद्वैपायनं व्यासं सर्वलोकहिते रतम् ।
वेदाब्जभास्करं वन्दे शमादिनिलयं मुनिम् ॥ 3

वेदव्यासं स्वात्मरूपं सत्यसन्धं परायणम् ।
शान्तं जितेन्द्रियक्रोधं सशिष्यं प्रणमाम्यहम् ॥ 4

अचतुर्वदनो ब्रह्मा द्विबाहुरपरो हरिः ।
अफाललोचनः शम्भुः भगवान् बादरायणः ॥ 5

शङ्करं शङ्कराचार्यं केशवं बादरायणम् ।
सूत्रभाष्यकृतौ वन्दे भगवन्तौ पुनः पुनः ॥ 6

ब्रह्मसूत्रकृते तस्मै वेदव्यासाय वेधसे ।
ज्ञानशक्त्यवताराय नमो भगवतो हरेः ॥ 7

व्यासः समस्तधर्माणां वक्ता मुनिवरेडितः ।
चिरञ्जीवी दीर्घमायुर्ददातु जटिलो मम ॥ 8

प्रज्ञाबलेन तपसा चतुर्वेदविभाजकः ।
कृष्णद्वैपायनो यश्च तस्मै श्रीगुरवे नमः ॥ 9

जटाधरस्तपोनिष्ठः शुद्धयोगो जितेन्द्रियः ।
कृष्णाजिनधरः कृष्णस्तस्मै श्रीगुरवे नमः ॥ 10

भारतस्य विधाता च द्वितीय इव यो हरिः ।
हरिभक्तिपरो यश्च तस्मै श्रीगुरवे नमः ॥ 11

जयति पराशरसूनुः सत्यवती हृदयनन्दनो व्यासः ।
यस्यास्य कमलगलितं भारतममृतं जगत्पिबति ॥ 12

वेदविभागविधात्रे विमलाय ब्रह्मणे नमो विश्वदृशे ।
सकलधृतिहेतुसाधनसूत्रसृजे सत्यवत्यभिव्यक्ति मते ॥ 13

वेदान्तवाक्यकुसुमानि समानि चारु
जग्रन्थ सूत्रनिचयेन मनोहरेण ।
मोक्षार्थिलोकहितकामनया मुनिर्यः
तं बादरायणमहं प्रणमामि भक्त्या ॥ 14

इति श्री वेदव्यास स्तुतिः ।