ఓం నమః శివాయ

యద్భావం తద్భవతి . శివ మయం ఇదం జగత్ !!! ఓం నమః శివాయ

సూర్య స్తుతి

సూర్య స్తుతి 

లోహితం రధ మారూఢం సర్వలోక పితామహం 

మహోపకారం దేవం తమ్ సూర్యం ప్రణమామ్యహం 

శ్రీ విష్ణుం జగతం నాధం జ్ఞాన విజ్ఞాన చక్షధం 

మహా పాపహరం దేవం తమ్ సూర్యం ప్రణమామ్యహం  

నాగుల చవితి శుభాకాంక్షలు

అందరికీ నాగుల చవితి శుభాకాంక్షలు.

పదహారు సుబ్రహ్మణ్య నామములు చాలా మహిమాన్వితమైనవి. 

ప్రథమో జ్ఞానశక్త్యాత్మా ద్వితీయః స్కంద ఏవచ!

అగ్నిగర్భః తృతీయస్తు బాహులేయః చతుర్థకః!!

గాంగేయః పంచమః ప్రోక్తః షష్ఠః శరవణోద్భవః!

సప్తమః కార్తికేయశ్చ కుమారశ్చాష్టమస్తదా!!

నవమః షణ్ముఖః ప్రోక్తః తారకారి స్మృతో దశః!

ఏకాదశశ్చ సేనానీః గుహో ద్వాదశ ఏవచ!!

 త్రయోదశో బ్రహ్మచారీ శివతేజశ్చతుర్దశః!

క్రౌంచధారీ పంచదశః షోడశః శిఖివాహనః!!

 నాగుల చవితి రోజు ఈ పదహారు నామాల మహా మంత్రం చదువుకోవడం మంచిది. ఈ 16మంత్రములను ఇచ్చిన వారు అగస్త్యుడు. ఇవి నామ మంత్రములు గనుక ప్రతివారూ చేసుకోవచ్చు.

గ్రహ దోషాలకు పరిహారాలు - పాశుపత తంత్ర పధ్ధతి

కార్తీక మాసారంభ శుభాకాంక్షలు అందరికీ. ఈ నెల మొత్తం పరమ శివుణ్ణి ఎన్ని సార్లు తలుచుకుంటే అంత మంచిది.  

పంచాక్షరీ మంత్రానికి ఉపదేశం అక్కర్లేదు. ఎవ్వరైనా ఎన్నిసార్లైనా జపం చేసుకోవొచ్చు.  

ఏదైనా గ్రహ దశ వల్ల దుష్ఫలితాలు కలుగుతుంటే త్ర్యంబక మంత్రం తో కలిపి ఆ గ్రహ గాయత్రీ మంత్రం జపం చేసుకుంటే గ్రహ దోషాలు తొలగిపోతాయి. 

ఈ క్రింద మీకు ఉపయోగపడే మంత్రాలు ఇవ్వడం జరిగింది:

త్య్రంబకం యజామహే సుగన్ధిమ్ పుష్టి వర్ధనం 

ఉర్వారుక మివ బంధనాన్  మృత్యోర్ ముక్షీయ మామృతాత్ 

ఓం భాస్కరాయ విద్మహే మహా ద్యుతికరాయ ధీమహీ 

తన్నో ఆదిత్య: ప్రచోదయాత్ 

ఓం అమృతేశాయ విద్మహే రాత్రిన్చరాయ ధీమహి 

తన్నశ్చంద్ర : ప్రచోదయాత్ 

ఓం అన్గారకాయ విద్మహే శక్తి హస్తాయ ధీమహి 

తన్న: కుజ: ప్రచోదయాత్ 

ఓం చంద్ర సుతాయ విద్మహే సౌమ్య గ్రహాయ ధీమహి 

తన్నో బుధ: ప్రచోదయాత్ 

సురాచార్యాయ విద్మహే దేవ పూజ్యాయ ధీమహి 

తన్నో గురుః ప్రచోదయాత్ 

భార్గవాయ విద్మహే దైత్యాచార్యాయ ధీమహి 

తన్నో శుక్ర: ప్రచోదయాత్ 

రవిసుతాయ విద్మహే  మంద గ్రహాయ ధీమహి 

తన్నో శని: ప్రచోదయాత్ 

శీర్ష రూపాయ విద్మహే వక్ర: పంధాయ ధీమహి 

తన్నో రాహు:ప్రచోదయాత్ 

తమో గ్రహాయ విద్మహే ధ్వజస్ధితాయ ధీమహి 

తన్నో కేతుః ప్రచోదయాత్

జపం చేసుకునే విధానం: 

మొదట త్రయంబక  మంత్రం చదివి తరువాత రెండుసార్లు గ్రహగాయత్రీ మంత్రం చదివి తరువాత మళ్ళీ త్రయంబక  మంత్రం చదవాలి. ఇది ఒక సారి చదివినట్టు. ఇలా రోజుకి ఒక రుద్రాక్ష మాల (108 రుద్రాక్షలు ఉన్నది ) చేస్తే తప్పకుండా మంచి ఫలితాలు వొస్తాయి. ప్రయత్నించండి.

మీనం లో కుజుడు - శని వీక్షణ - ప్రభావం

ప్రస్తుతం వక్ర గతి లో మీన రాశి లో ఉన్న కుజుడు 14 వ తారీఖున వక్ర త్యాగం చెయ్యబోతున్నాడు. December 24 వరకూ మీన రాశిలో ఉండి మేషం లో కి ప్రవేశిస్తాడు. 

ఈ కుజుడికి మకరం లో ఉన్న శని దృష్టి వల్ల అకాల వర్షాలు, పెనుగాలులతో కూడిన భారీ వర్షాలు December చివరి వరకూ పడే అవకాశం. దీనికి తోడు విపరీతమైన చలిగాలులు, మంచు ఇబ్బంది పెడతాయి.

December లో వృశ్చిక రాశి లో జరిగే గ్రహ కూటముల వల్ల ప్రత్యేకం గా దక్షిణ భారత దేశం లో భారీ వర్షాలు , తుఫానులు వొచ్చే అవకాశం ఉంది.

సింహ, కన్యా,వృశ్చిక, ధనూ,మీన,వృషభ రాశుల వారు వాహనాలు నడిపే సమయం లో జాగ్రత్తలు వహించాలి. 

December 21 న మకరం లో  జరిగే గురు శనుల కలయిక వల్ల ప్రజల్లో అలజడి,అసంతృప్తి ఎక్కువగా ఉంటుంది. ఎవరితోనూ వాగ్వివాదాలు రాకుండా జాగ్రత్త పడడం మంచిది. ముఖ్యం గా కన్యా,ధనూ,మకర, కర్కాటక రాశి వారు జాగ్రత్తగా ఉండాలి.

రాబోయే గ్రహణాలు - ప్రభావం

సెప్టెంబరు 23 న రాహు కేతువులు వృషభ వృశ్చిక రాశులలో కి మారడం తో రాబోయే సంవత్సరంన్నర కాలం లో జరుగబోయే గ్రహణాలు అన్నీ వృషభ వృశ్చిక రాశులలోనే జరుగుతాయి. 

భారత దేశానిది వృషభ లగ్నం అవ్వడం వల్ల మన దేశం మీద ఈ గ్రహణాల ప్రభావం ఎక్కువే అని చెప్పాలి. 

ఎక్కువగా ఆర్ధిక వ్యవస్థ మీద, దౌత్య సంబంధాల మీద ప్రభావం చూపిస్తాయి. 

బ్యాంకింగ్ వ్యవస్థ దెబ్బ తింటుంది. ఆగ్రీ ప్రొడక్ట్స్, డైరీ ప్రొడక్ట్స్ తయారీ సంస్థలు నష్టాలు చూస్తాయి.

ఢిల్లీ, ముంబై లాంటి పట్టణాల్లో టెర్రరిస్ట్ దాడులు జరుగుతాయి. ముఖ్యం గా కుజుడు వృషభ రాశిలో ప్రవేశించిన దగ్గిర నించీ అంటే ఫిబ్రవరి 22 నుండీ ఏప్రిల్ 13 మధ్యలో జరిగే అవకాశం ఉంది.

మకర రాశి లో గురు గ్రహ సంచారం - 20. 11. 2020 నుండీ సంవత్సరాంతం వరకు - రాశులపై ప్రభావం - Part 3

 మకర రాశి /లగ్నం : వ్యయ తృతీయాధి పతి గురువు తన నీచ రాశిలో సంచారం వల్ల  మకర రాశి వారికి ఈ సమయం లో వివాహం జరిగే అవకాశం ఉంటుంది . ఆర్ధిక ఇబ్బందులు ఉంటాయి .  కొన్ని తెలివితక్కువ నిర్ణయాలు చేసే అవకాశం  . ఖర్చులు ఎక్కువగా చేస్తారు . తమ్ముడికి వృత్తి పరమైన ఇబ్బందులు ఉంటాయి .సంపాదన కూడా తక్కువగా ఉంటుంది . మకర రాశి వారికి స్థల మార్పులు వుండే అవకాశం .  మకర రాశి లో గురువు తో బుధుడు కలిసినప్పుడు రాతల వల్ల , మాటల వల్ల ఇబ్బందులు వొస్తాయి . శుక్రుడితో కలిసినప్పుడు సంతానం కలిగే అవకాశం . శని తో కలిసి గురువు ఇక్కడ సంచరిస్తున్నప్పుడు వ్యవసాయ మూలక  నష్టాలు ఉంటాయి . గురువు ఉత్తరాషాఢ నక్షత్రం లో సంచరిస్తున్నప్పుడు సంఘం లో గౌరవం పెరుగుతుంది కానీ తండ్రికి ఆరోగ్య భంగం. శ్రవణా నక్షత్రం లో గురువు సంచరిస్తున్నప్పుడు గురువు నీచత్వం తగ్గి మంచి ఫలితాలు ఇస్తాడు . ధనిష్టా నక్షత్రం లో సంచారం జరుగుతున్నప్పుడు ఆస్తి లాభాలు ఉంటాయి . 

కుంభ రాశి /లగ్నం : ద్వితీయ ఏకాదశాధిపతి గురువు వ్యయం లో తన నీచ రాశిలో సంచారం వల్ల ఆర్ధిక పరమైన ఇబ్బందులు తప్పవు. దేనిలోనూ జయం ఉండదు . పెద్దన్నయ్య కి లాభం గా ఉంటుంది . కుటుంబం ఇబ్బందుల్లో ఉంటుంది . సంతోషం తక్కువగా ఉంటుంది . మాతృ వర్గీయులు బాగుంటారు కానీ వారితో విరోధం ఉంటుంది . 

మీన రాశి /లగ్నం : లగ్న దసమాధిపతి ఏకాదశం లో నీచ రాశి లో సంచారం వల్ల సంఘం లో గౌరవం తగ్గుతుంది . ఆదాయం,సంతోషం, విజయం తక్కువ . సంతానం వల్ల సంతోషం ఉంటుంది . అనవసర ప్రయాణాలు ఉంటాయి . తమ్ముడికి ఆరోగ్య భంగం . విదేశాల్లో ఇబ్బందులు

 .   

బుధ గ్రహ దోషాలకి పరిహారం

ప్రస్తుతం తులా రాశిలో ఉన్న బుధుడు అష్టకవర్గు లో అతి బలం గా ఉండడం వల్ల ఉదయాన్నే 4.45  గంటల నుండీ మొదలుపెట్టి 6 గంటల వరకూ విష్ణు సహస్రనామం పారాయణ చెయ్యడం,  వినడం, గీతాబోధ చేస్తున్న కృష్ణుడిని స్మరిస్తూ ధ్యానం చెయ్యడం , నారాయణ గాయత్రీ మంత్రం జపం చెయ్యగలిగితే జాతకం లోని బుధ గ్రహం వల్ల కలిగిన దోషాలు తొలగిపోవచ్చు. ప్రయత్నించండి. ఈ నెల 12 వ తారీఖు వరకు కనీసం చేస్తే చాలా మంచిది.

మకర రాశి లో గురు గ్రహ సంచారం - 20. 11. 2020 నుండీ సంవత్సరాంతం వరకు - రాశులపై ప్రభావం - Part 2

 గురు గ్రహ సంచారం - 20. 11. 2020 - రాశులపై ప్రభావం - Part 2

సింహ రాశి/లగ్నం : పంచమ అష్టమాధిపతి సష్ట స్థానం లో తన నీచ రాశి లో సంచారం వల్ల శత్రువులపై విజయం సిద్ధిస్తుంది . పేరు ప్రఖ్యాతులు పెరుగుతాయి . లివర్ , పాంక్రియాస్ ,గాల్  బ్లాడర్  సంబంధించిన ఇబ్బందులు రావొచ్చు . జీవిత భాగ స్వామి సంతోషం గా వుండరు . ఆర్ధిక పరమైన ఇబ్బందులు ఉండొచ్చు . సంతానానికి సంబంధించిన చీకాకులు ఉండొచ్చు . ఉత్తరాషాఢ లో సంచారం జరుగుతున్నప్పుడు ఉదర సంబంధ వ్యాధులు రావొచ్చు . శ్రవణా నక్షత్రం లో సంచారం జరిగే సమయం లో సెంటిమెంట్ల వల్ల  బాధ కలుగుతుంది . ధనిష్టా నక్షత్రం లో సంచారం జరుగుతున్న సమయం లో వాహన ప్రమాదాలు జరుగకుండా జాగ్రత్త పడాలి . 

కన్య రాశి /లగ్నం : చతుర్థ  సప్తమాధిపతి తన నీచ రాశి లో పంచమ స్థానం లో  సంచారం వల్ల వైవాహిక పరమైన  సమస్యలు ఉంటాయి . ఆర్ధిక లాభాలు తక్కువ స్థాయి లో ఉంటాయి . ఇష్టం లేకుండా వున్నా ఊరి నుండీ మర వలసి వొస్తుంది . శ్రవణా నక్షత్రం లో సంచారం బాగుంటుంది . ధనిష్టా నక్షత్రం లో సంచారం జరుగుతున్నప్పుడు ప్రయాణాలు ఉంటాయి . స్థల మార్పులు ఉంటాయి .    

తులా రాసి/లగ్నం : తృతీయ సష్ట స్థానాధిపతి  చతుర్ధం లో తన నీచ రాశి లో సంచారం వల్ల సుఖం ఉండదు . సౌకర్యాలు కొరవడతాయి. వృత్తి ,వ్యాపారాలు బాగుంటాయి . పితృ సంబంధిత ఆస్తి వ్యవహారాలు లాభిస్తాయి . బంధువులతో ఇబ్బందులు ఉంటాయి . శత్రు బాధ ఉంటుంది . ఆకతాయిల వల్ల  ఇబ్బందులు ఉంటాయి . తల్లి కి ఆరోగ్య భంగం . ఉత్తరాషాఢ నక్షత్రం లో సంచారం జరుగుతున్నప్పుడు ఆరోగ్య భంగం .  సంతానం వల్ల  విచారం . శ్రవణా నక్షత్రం లో సంచారం వృత్తి పరమైన ఇబ్బందులు ఉంటాయి . పై చదువుల మీద ఆసక్తి పెరుగుతుంది కానీ విఫలమౌతారు . ధనిష్టా నక్షత్రం లో సంచారం జరుగుతున్నప్పుడు ఆస్తి లాభం ఉంటుంది కానీ మనఃశాంతి ఉండదు . స్పెక్యులేషన్ ,జూదం కలిసి రావు . 

వృశ్చిక రాశి /లగ్నం : ద్వితీయ పంచమాధిపతి తన నీచ రాశిలో తృతీయం లో సంచారం వల్ల ఆర్ధిక పరమైన ఇబ్బందులు ఉంటాయి . దానాలు చేస్తారు . సంతానం వల్ల విచారం. చిన్న తమ్ముడి  వాళ్ళ ఇబ్బందులు,ఆర్ధిక నష్టాలు  . స్పెక్యులేషన్ వల్ల నష్టాలు . పెద్దన్నయ్యకి గృహ సమస్యలు . శ్రవణా నక్షత్రం లో సంచారం జరుగుతున్నప్పుడు ఆర్ధిక లాభాలు ,అదృష్ట యోగం . భార్య కి వృత్తి పరమైన ఇబ్బందులు . ధనిష్టా నక్షత్రం లో సంచారం జరుగుతున్నప్పుడు సంతానం తో ఆర్ధిక పరమైన వివాదాలు .

ధను రాశి /లగ్నం : లగ్న చతుర్ధాధిపతి ద్వితీయం లో నీచలో ఉండడం వల్ల  ఆర్ధికం గా చాలా నష్టపోతారు జాగ్రత్తలు తీసుకోకపోతే . మనసు చంచలంగా ఉంటుంది . స్పెక్యులేషన్ నష్టాలు ఉంటాయి . రావలసిన ధనం చేతికందదు . స్టాక్ మార్కెట్ లో నష్టాలు ఉంటాయి. వ్యసనాలు బాధిస్తాయి . ఉత్తరాషాఢ నక్షత్రం లో సంచారం జరుగుతున్నప్పుడు చాలా బాగుంటుంది . శ్రవణా నక్షత్రం లో సంచారం కష్టాలు ఉంటాయి . ధనిష్టా నక్షత్రం లో సంచారం వల్ల  సంతానం వల్ల  విచారం ,ధన నష్టం