అశ్వినీ : ఆర్థిక కార్యకలాపాలు జాగ్రత్తగా చూసుకోవాలి. అన్ని పనులూ ప్రణాళికా బద్ధంగా చేసుకోవాలి . డబ్బు పరంగా తప్పుడు నిర్ణయాలు తీసుకునే అవకాశం. మీ విలువైన వస్తువులు జాగ్రత్తగా ఉంచుకోవాలి.
భరణీ : తరుచుగా మోసపోయే అవకాశాలు వున్నాయి. ఎవరినో నమ్మి ఏ పనులు మొదలు పెట్టకండి. మీరు స్వయంగా చేసుకునే పనులు విజయవంతం అవుతాయి. పుణ్య కార్యాల తో కాలక్షేపం చేస్తూ వుంటారు.
కృత్తిక 2,3,4 పాదాల వారు : అధికారులతో తొందరపాటుతనం తో సంభాషణ లు చేసి ఇబ్బందులు పడతారు. ప్రతీ పని లోనూ వర్కర్స్ ప్రాబ్లమ్స్ ఎదురుకుంటారు. అతి కష్టం మీద transfer లు వస్తాయి. కుటుంబం లో వైద్య ఖర్చులు అవుతూ వుంటాయి.
రోహిణీ : ఆరోగ్యం బాగుంటుంది. గత సమస్యల నుండీ క్రమం గా బైటపడతారు. పిల్లల విషయం లో చేసే ప్రయత్నాలు ఫలిస్తాయి. గౌరవ మర్యాదలు పెరుగుతాయి.
మృగశిర 1,2 పాదాల వారికి : మీ తెలివితేటలకు గుర్తింపు లభిస్తుంది. వృత్తిలో విజయాలు వుంటాయి. స్నేహితులకు సహాయం చేస్తారు.
మృగశిర 3,4 పాదాల వారికి : క్రమంగా శుభ పరిణామాలు వుంటాయి. సమస్యలకు పరిష్కారాలు తెలుసుకుని బైటపడటారు. శుభ కార్యాల కోసం ఖర్చులు చేస్తారు. ప్రమోషన్ లు వస్తాయి. కొత్త ఆదాయ మార్గాలు కలిసివస్తాయి. పాత సమస్యలు తీరతాయి.
ఆర్ద్ర : శ్రమ ఎక్కువ ఫలితం తక్కువగా వుంటుంది. పాత రుణాలు తీర్చడం కోసం కొత్త ఋణాలు తీసుకోవలసి వొస్తుంది. మెరుగైన జీవితం ప్రారంభం అవుతుంది. భవిష్యత్తు మీద ఆశ కలుగుతుంది.
పునర్వసు 1,2,3 : స్వంత వృత్తి వ్యాపారాలలో వున్న వారికి మంచి లాభాలు. ఉద్యోగం లో అధికారుల ఒత్తిడి వుంటుంది. ప్రతీ విషయం లో నూ మంచి మార్పులు కనిపిస్తాయి.ఆర్థిక, ఆరోగ్య విషయాల్లో ముందు జాగ్రత్తలు పాటిస్తారు.
పునర్వసు 4 వ పాదం వారికి : స్థిరాస్తులు, వాహనాలు కొనుగోలు చేస్తారు. ముఖ్యమైన బంధువులతో, స్నేహితులతో విభేదాలు. తప్పుడు నిర్ణయాలతో నష్ట పోతారు. కుటుంబీకులకు సమస్యగా మీ నిర్ణయాలు వుండొచ్చు.
పుష్యమీ: మంచి చెడులు సమానం గా వుంటాయి. ఋణాలు ఇచ్చి పుచ్చుకునే వ్యవహారాల్లో జాగ్రత్తలు తీసుకోవాలి. సంతాన విషయం గా ఇబ్బందులు వొచ్చే పరిస్థితులు వుంటాయి. విదేశీ ప్రయాణ ప్రయత్నాలు ఫలిస్తాయి.
ఆశ్రేష: ప్రతీ విషయం ఇబ్బందికరంగా వుంటుంది. కానీ అన్ని పనులూ విజయవంతం అవుతాయి. పిల్లల గురించీ శుభవార్తలు వింటారు. పాత సమస్యలకు పరిష్కారాలు దొరుకుతాయి. కుటుంబ సభ్యులతో విభేదాలు వుంటాయి.
మఘా: స్వేచ్చగా కాలం గడిపే అవకాశం. వృత్తి విషయాల్లో ప్రశాంతం గా వుంటుంది. అనుకోని లాభాలు. కొన్నిసార్లు విచిత్రం గా అవమానాలు, సమస్యలు వుంటాయి. తరుచుగా ప్రయాణాలు చేయవలసి వొచ్చి ఇబ్బందులు పడతారు.
పుబ్బా: వూహించని విజయాలు. మొండి బకాయిలు కూడా వసూలు అవుతాయి. పుణ్య కార్యాలు చేస్తారు. పుణ్య క్షేత్ర సందర్శన చేస్తారు. కోర్టు సమస్యలు తీరతాయి. శుభకార్యాలు చేస్తారు.
ఉత్తరా 1వ పాదం : ఖర్చులు పెరుగుతాయి. వృత్తి విషయంగా తరుచుగా ప్రయాణాలు చేస్తారు. అక్టోబర్ తరువాత అర్ధిక వృద్ధి. మానసిక వొత్తిడి. పనులలో ఆలస్యం. పిల్లల తో కలహాలు వుంటాయి.
ఉత్తరా 2,3,4 వ పాదాల వారికి : తరుచుగా గాయాలు అవుతూ వుంటాయి. వృత్తి సౌఖ్యం బాగా ఉంటుంది. స్థిరాస్తి చికాకులు ఈ సంవత్సరం పూర్తవుతాయి. ఆర్థిక సమస్యలు ఉంటాయి. దూరప్రాంత ప్రయాణాలు అధికంగా చేస్తారు. పాత సమస్యలకు పరిష్కారాలకు దొరుకుతాయి.
హస్త : వీరు మీద రాహు ప్రభావం ఎక్కువగా ఉంటుంది. మానసిక ఒత్తిడి ఎక్కువ. మంచి మార్పులు మొదలవుతాయి. కుటుంబంలో విచిత్రమైన సమస్యలు ఎక్కువవుతాయి. ఆరోగ్యం బాగానే ఉంటుంది. వృత్తి రీత్యా అనుకోని లాభాలు ఉంటాయి. మీ మాటల వల్ల ఇబ్బందులు పడతారు.
చిత్తా 1,2 : గురు రాహువుల సంచారం వల్ల సంవత్సరం రెండవ భాగంలో ఆర్థికంగా మోసపోతారు. వృత్తి విషయంలోనూ కుటుంబ పరంగాను మీ మాట చెల్లదు. తరచుగా గురువులను సందర్శిస్తారు. స్థాన చలన ప్రయత్నాలు ప్రత్యేకంగా చేస్తుంటారు.
చిత్త 3,4 పాదాల వారికి : అంతట విజయాలు ఉంటాయి కానీ ఎక్కడో అసంతృప్తి ఉంటుంది. కుటుంబంలో పెద్దల ఆరోగ్యం మెరుగవుతుంది. పిల్లల అభివృద్ధి గురించి వింటారు. కోర్టు సమస్యలు రుణ సమస్యలు మీద ఎక్కువగా దృష్టి పెడితే లాభాలు ఉంటాయి.
స్వాతి నక్షత్రం : వేగంగా పనులు చేసి అందరి మన్ననలు పొందుతారు. తరచుగా శుభకార్యాలలో పాల్గొంటారు సమాజంలో ఉన్నత స్థాయి వ్యక్తులను కలుసుకుంటారు. ఉద్యోగ వ్యాపార విషయాలలో చేసే నూతన ప్రయత్నాలు సక్సెస్ అవుతాయి. రుణ సమస్యలు మాత్రం తీరవు.
విశాఖ 1,2,3 : అలంకరణ వస్తువుల కొనుగోలు విషయంలో తరచుగా ఖర్చు చేస్తూ ఉంటారు. బంధుమిత్రుల సహకారం బాగుంటుంది. కానీ వారిని విశ్వసించరు. ఈ ఈ సంవత్సరం చాలా సమస్యలు తీరిపోతాయి . అభివృద్ధి ప్రారంభమవుతుంది
విశాఖ 4 వ పాదం: ఆరోగ్యం విషయంలో జాగ్రత్తలు పాటించాలి. ఎవరినీ నమ్మి పనులు ప్రారంభించవద్దు. నిర్ణయాలు తీసుకోవడంలో ఆలస్యం అయ్యి చికాకుల పడతారు. వృధా తగాదాలు మీకు ఇబ్బందులు తీసుకొస్తాయి. పుత్రులు సహకరిస్తారు.
అనురాధా : శుభకార్య ప్రయత్నాలలో సక్సెస్ అవుతారు. అన్ని రకాలుగా మీకు ఆర్థిక వెసులుబాటు చేకూరుతుంది. దూరప్రాంత ప్రయాణాలు పుణ్యకార్యాలు చేస్తారు. మంచికాలం.
జ్యేష్టా : తరచుగా దూరప్రాంతాలకు ప్రయాణాలు చేస్తూ ఉంటారు. మీకు సహకరించే వ్యక్తులతో కూడా తగాదాలు పడతారు. మీరు చేయవలసిన పనిని సకాలంలో చేయలేరు.
మూలా: వృత్తి రీత్యా బాగా అభివృద్ధిలో ఉంటారు. ప్రతిరోజు విజయ పరంపర సాగుతుంది. మార్కెటింగ్ ఉద్యోగులకు చాలా విశేష లాభాలు ఉంటాయి. ప్రధానంగా వివాదాలు లేని మంచి జీవనం సాగిస్తారు. కుటుంబ అవసరాలు చక్కగా సరిచేసుకుంటూ గౌరవ జీవనం సాగిస్తారు.
పూర్వాషాఢ : అందరి నుండి గౌరవ సహకారాలు అందుకుంటారు. ఆరోగ్యం మధ్య మధ్యలో చికాకులు కలిగించినా మొత్తం మీద బాగానే ఉంటుంది. ప్రశాంతమైన చిత్తంతో ఆలోచించి మంచి నిర్ణయాలు చేస్తారు. విజయాలు ఎక్కువగా సాధిస్తారు.
ఉత్తరాషాఢ 1వ పాదం : గత సమస్యలు తీరకపోగా కొత్త సమస్యలు పుట్టుకొస్తాయి. ఇతరుల వ్యవహారాలలో కలగజేసుకోకండి. స్థిరాస్తులు కొంటారు. మీ పిల్లలు మంచి అభివృద్ధి సాధిస్తారు. పుణ్యకార్యాలు శుభకార్యాలు చేయటం మీద శ్రద్ధ పెడతారు.
ఉత్తరాషాడ 2,3,4 పాదాల వారికి : చాలా మంచి ఫలితాలు అందుకుంటారు. గత సంవత్సరం కన్నా మంచి ఫలితాలు ఈ సంవత్సరం ఉంటాయి. కుటుంబ సమస్యలు పరిష్కరించగలుగుతారు. ఆరోగ్య సమస్యలు తీరుతాయి. రుణ సౌకర్యాలు చక్కగా అందుతాయి. ఉద్యోగ వ్యాపార విషయాలలో కొత్త ప్రయోగాల్లో సక్సెస్ అవుతారు.
శ్రవణం : అందరికీ ఆదర్శంగా నిలుస్తారు. పనులు వేగంగా పూర్తవుతాయి. ఆర్థిక విసులుబాటు ఉంటుంది. రుణ సంబంధం గా చాలా అనుకూల స్థితి ఏర్పడుతుంది. కుటుంబంలో చికాకులు దూరం అవుతాయి. పిల్లల అభివృద్ధి వార్తలు వింటారు. దూర ప్రయాణాలు చేస్తూ ఉంటారు. ఉద్యోగ సమస్యలు తీరుతాయి.
ధనిష్ట 1,2 : చాలా విచిత్రమైన జీవితం గడుపుతారు. ప్రతి పని వేగంగానే అవుతుంది. కానీ ఏదో తెలియని ఇబ్బంది మానసిక చికాకు ఉంటాయి. అందరూ స్నేహంగానే ఉంటారు కానీ అందరినీ అనుమానించే లక్షణాలు పెరుగుతాయి. అయితే కుటుంబ విషయంలో ఏదో తెలియని అసంతృప్తి వెంటాడుతూ ఉంటుంది.
ధనిష్ట 3,4 పాదాలవారికి : ఒత్తిడిని జయించడానికి ప్రత్యేక ప్రయత్నాలు చేయాలి. మీ కోపావేశాలతో కొత్త సమస్యలు తెచ్చి పెట్టుకుంటారు. సంవత్సరం రెండవ భాగంలో ధనం వెసులుబాటు కష్టమవుతుంది. తీసుకున్న రుణాలు చికాకు కలిగిస్తాయి. అందరి నుండి దూరంగా వెళ్లాలి అనే ఆలోచనలు తరచుగా వస్తూ ఉంటాయి.
శతభిష: వాహన చికాకులు ఉంటాయి. కొత్త వ్యవహారాలు ప్రారంభం చేయడం శ్రేయస్కరం కాదు. గౌరవభంగం జరక్కుండా మీరు మీ పనులు చేసుకోవాలి. ఇతరుల వ్యవహారాలలో కలగ చేసుకోకండి. ఏ విషయంలోనూ మీ నిర్ణయాలను ఇతరులకు చెప్పవద్దు.
పూర్వాభాద్ర 1,2,3 పాదాలవారికి: ప్రతి పని ఆలస్యం అవుతుంది. షేర్ మార్కెట్లో వ్యాపారం చేసే వాళ్ళకి ఇబ్బందులు కలుగుతాయి. మీరు కోరుకున్న ఉద్యోగాలు దొరకవు. నిరుత్సాహపడకుండా ప్రయత్నాలు చేస్తూనే ఉంటారు. కొన్ని సందర్భాలలో ఖర్చులు అధికంగా ఉంటాయి.
పూర్వాభాద్ర 4 వ పాదం వారికి: ఒంటరి ప్రయాణాలు ఒంటరి కాలక్షేపాలు చేయవద్దు. తరచుగా రాకూడని ఆలోచనలు వస్తూ ఉంటాయి. ఇతరుల వలన కుటుంబ కలహాలు వస్తూ ఉంటాయి. శక్తికి మించిన పనులు చేయవద్దు. ధనయోగం బాగానే ఉంది. అక్టోబర్ తర్వాత ఆరోగ్యపరమైన చికాకులు ఉంటాయి.
ఉత్తరాభాద్ర: అవమానకర ఘటనలు జరుగుతూ ఉంటాయి. కొత్త పనులు ప్రారంభించకండి. రుణాల విషయంలో జాగ్రత్త పడండి. ఎవరికి ఎటువంటి హామీలు ఇవ్వవద్దు. చిన్న చిన్న సమస్యలు వస్తే కంగారు పడవద్దు.
రేవతి: చాలా వ్యవహారాలలో సానుకూల స్థితి ఉంటుంది. అన్ని విషయాలు పరిశీలించి నిర్ణయాలు తీసుకోవాలి. విజయాలు సాధిస్తారు. వృత్తి విషయంలో క్రమంగా అనుకున్నది సాధిస్తారు. అందరి నుండి సహకారం అందుతుంది. ఆర్థిక పరిస్థితి బాగు చేసుకుంటారు.
శుభం భూయాత్.
శివరామకృష్ణ జ్యోతిష్యాలయం
96407 54054
91828 17435
