ఇవాళ అంటే మే 10 2023 నుండి జూలై 1 2023 వరకు కుజుడు కర్కాటక రాశి సంచారం చేస్తాడు.
కర్కాటక రాశి కుజుడుకి నీచరాశి . నీచరాశి సంచారంలో కుజుడు వివిధ రాశుల వారిపై ఎటువంటి ప్రభావం చూపిస్తాడో ఈ కింద ఇవ్వబడింది:
వృషభ రాశి: తోడబుట్టిన వాళ్లతో విభేదాలు వచ్చే అవకాశం. ప్రయాణాల్లో అనుకోని అవాంతరాలు ఇబ్బందులు ఉంటాయి. సముద్రాలు నదులు దగ్గరికి విహారయాత్రలకు వెళ్ళకపోతేనే మంచిది.
మిధున రాశి: ఆస్తి విషయమైన వ్యవహారాల్లో చాలా జాగ్రత్తగా వ్యవహరించండి. మాట్లాడే ముందు ఆలోచించి మాట్లాడండి. స్నేహితులతో విభేదాలు ఉంటాయి. కొంత చెడ్డ పేరు మూట కట్టుకుంటారు. మీకు రావాల్సిన గుర్తింపు రాకపోవచ్చు.
కర్కాటక రాశి: నీచ కుజుడి జన్మరాశి స్థితి వల్ల ఆరోగ్యం పై ప్రభావం పడవచ్చు. దీనికి తోడు అష్టమ శని స్థితి కూడా ఉంది కనుక జాగ్రత్తలు పాటించాలి. అనవసరమైన కోపతాపాలకి దూరంగా ఉండండి. మీ తోడబుట్టిన తమ్ముళ్ళతో చెల్లెళ్ళతో సఖ్యతగా ఉండండి.
సింహరాశి: కాళ్లలో నొప్పులు, నిద్రలేమి, గురువుతో విభేదాలు దూర ప్రాంత ప్రయాణాల్లో అనుకోని అవాంతరాలు ఆటంకాలు ఉండే అవకాశం. తండ్రి ఆరోగ్యం మీద శ్రద్ధ పెట్టాలి. తండ్రితో ఎటువంటి విభేదాలు రాకుండా జాగ్రత్త పడాలి. ట్రాఫిక్ రూల్స్ విషయంలో జాగ్రత్తలు పాటించండి. వాహనాలు నడిపేటప్పుడు జాగ్రత్తగా ఉండాల్సిన సమయం.
కన్యా రాశి : ఆస్తితగాదాలు ఇబ్బందులు పెడతాయి. ఆరోగ్య సమస్యలు కూడా ఉండొచ్చు. ఆదాయం అనుకున్న దానికన్నా తక్కువ వస్తుంది. మీ అన్నయ్యతో సఖ్యత పాటించండి. స్నేహితులతో గొడవలు రావచ్చు. మీరు అనుకున్నంత పేరు ప్రతిష్టలు సాధించలేకపోవచ్చు.
తులారాశి: వృత్తి ఉద్యోగ వ్యాపారాలలో అనుకూలతలు తక్కువ ఉంటాయి. ముఖ్యంగా పోలీసు ఉద్యోగాలలో ఉన్నవాళ్లు అసంతృప్తిగా ఉంటారు. భార్య /భర్త తో సఖ్యత పాటించండి. వారి ఆరోగ్యం పై శ్రద్ధ పెట్టండి.
వృశ్చిక రాశి: తండ్రి ఆరోగ్యం పై శ్రద్ధ పెట్టాలి. దేవ, బ్రాహ్మణులను నిందించకండి. గురువులు చెప్పిన మాటల్ని పాటించండి. అదృష్టం కొద్దిగా తక్కువగా ఉన్నట్టుగా అనిపిస్తుంది. శత్రువులకి మీపై ఆదిక్యత ఉంటుంది. ఆరోగ్య విషయంలో కొన్ని ఇబ్బందులు ఉండొచ్చు.
ధనస్సు రాశి: అష్టమ కుజుడి సంచారం వల్ల అనుకోని ఆటంకాలు అవాంతరాలు ఉంటాయి. మనసు గందరగోళంగా ఉంటుంది. సముద్రాల దగ్గరికి నదుల దగ్గరికి విహారయాత్రలకు వెళ్ళకండి. పిల్లల ఆరోగ్యం పై శ్రద్ధ పెట్టండి.
మకర రాశి: భార్య/భర్త తో సఖ్యత పాటించండి. వ్యాపార భాగస్తులతో విభేదాలు వచ్చే అవకాశం. భాగస్తులు మిమ్మల్ని మోసం చేసే అవకాశం ఉంది జాగ్రత్త పడండి. విదేశీ వ్యాపారాలు నష్టాన్ని తెచ్చిపెడతాయి. తల్లితో విభేదాలు రాకుండా ఉండడానికి ప్రయత్నించండి. తల్లి ఆరోగ్యంపై శ్రద్ధ పెట్టండి. రియల్ ఎస్టేట్ పెట్టుబడులు లాభించవు. బిపి మరియు హార్ట్ పేషెంట్లు జాగ్రత్తలు తీసుకోవాలి
కుంభరాశి: శత్రువులపై ప్రయత్నం తర్వాత విజయం సాధిస్తారు. రుణాలు తీసుకోకండి. మేనమామతో, తమ్ముళ్లతో విభేదాలు రాకుండా జాగ్రత్త పడాలి. ప్రయాణాల్లో ఇబ్బందులు ఉంటాయి. సముద్రాలు నదులు దగ్గరికి విహారయాత్రలకు వెళ్ళకండి.
మీన రాశి: ఆలోచనలను అదుపులో పెట్టుకోండి. ప్రతి విషయానికి ఆందోళన పడకండి. ఆస్తి సంబంధ విషయాలలో జాగ్రత్తపడాలి. తండ్రి ఆరోగ్యం పై శ్రద్ధ పెట్టండి. విదేశీ విద్యకు మీరు చేసే ప్రయత్నాలు ఈ కాలంలో ఫలించవు. అదృష్టం తక్కువగా ఉంది.
కుజుడి సంచారం వల్ల దుష్ఫలితాలు కలుగుతున్న వారు కుజుడు కి జపం చేయించుకోవడం నరసింహస్వామి ఆలయ సందర్శనం పూజ చేయించుకోవడం లేదా సుబ్రహ్మణ్యేశ్వర స్వామి ఆలయ సందర్శనం పూజ చేయించుకోవడం లేదా ఈ సంచార కాలంలో ప్రతి మంగళవారం కుజుడు కి సంబంధించిన వస్తువులు బ్రాహ్మణులకు దానం చేయడం వంటి పరిహారాలు పాటించాలి.
సర్వేజనా: సుఖినోభవంతు
శివరామకృష్ణ జ్యోతిష్యాలయం
96407 54054
91828 17435
